Reseılik oppozısıonerler "Antısoǵys komıtetin" quryp, Berlınde úlken kezdesý ótkizgen eken.

Olar "Birlesken áreketter strategıasyn" oılastyryp, Reseıde "Net Pýtıný" degen saıası naýqanǵa kirisetinin jarıalady.

Bul naýqan aıasynda Pýtın men onyń soǵysyna qarsy belsendiler bar medıa resýrstaryn biriktirip, Pýtınniń saılaýyna qarsy jappaı úgit-nasıhat júrgizbek.

Oppozısıonerler Pýtın "qaıta saılanyp" alǵan jaǵdaıda saılaý nátıjelerin moıyndamaıtyn bolyp kelisti.

Pýtınge qarsy naýqanǵa jekelegen tulǵalardan bólek, ázirge 130-dan astam uıym qosylýǵa daıyn otyr.

Olar áleýmettik jelilerde nasıhat júrgizip, óz aqshalaryna syrtqy jarnama ilýden bólek, árbir úıge kirip, "Pýtınge daýys bere kórmeńiz", dep Reseı halqyn úgittemek.

Soǵys pen Pýtınge qarsy kúshterdiń koalısıasy "Reseıdiń baǵy ashylýy úshin eń birinshi Pýtınnen qutylýymyz kerek", degendi qoldan kelgenshe reseılikterdiń sanasyna jetkizýge nıetti.