Qazaqstanda Memleket Basshysy Qasym-Jomart Toqaevtyń bastamasymen túrli salalarda reformalar júzege asyrylýda. Prezıdent óz tapsyrmalarynda Densaýlyq saqtaý salasyn damytýǵa erekshe nazar aýdarady. Qazaqstandyqtardyń densaýlyǵy elimizdiń memlekettik saıasatynyń basty basymdyqtarynyń biri bolyp tabylady. Osyǵan baılanysty memlekettik jáne jergilikti atqarýshy organdardyń aldynda densaýlyq saqtaý júıesin jańǵyrtý jáne sapaly medısınaǵa keń qoljetimdilikti qamtamasyz etý boıynsha mańyzdy mindet tur.

Astana medısınalyq týrızmdi damytýda, ishki jáne syrtqy, onyń ishinde kúrdeli em alý úshin úlken áleýetke ıe. Bul salanyń elordada qalaı damyp jatqany týraly qalanyń komýnıkasıalar qyzmetinde ótken brıfıńte «Astanany damytý ortalyǵy» JSHS medısınalyq týrızmdi damytý jónindegi basqarýshy dırektory Darına Demán aıtyp berdi, dep habarlaıdy elorda ákimdiginiń resmı saıty.

Medısınalyq týrızm – bul eldiń ekonomıkalyq jáne áleýmettik damýynyń perspektıvaly baǵyttarynyń biri, ony ilgeriletý birinshi kezekte elordaǵa da, jalpy respýblıkaǵa da týrısik aǵymdy ulǵaıtýǵa, densaýlyqty jaqsartýǵa, medısınalyq qyzmetterdiń sapasyn arttyrýǵa yqpal etetin bolady.

«Sheteldik kelýshilerdiń 90%-y TMD elderiniń – Reseı, Qyrǵyzstan jáne Ózbekstan azamattary. Qalǵan 10% – Qytaı, Iran, Belarýs azamattary. Qazaqstandyq medısınalyq uıymdardyń negizgi artyqshylyqtary – zamanaýı medısınalyq tehnologıalarǵa jáne jańa obektilerge qol jetkizý, sapa standarttary, medısınalyq qyzmetterdiń qolaıly quny, TMD elderiniń azamattary úshin tildik kederginiń bolmaýy, damyǵan týrısik ınfraqurylymnyń bolýy», - dep atap ótti spıker.

Eger baǵa boıynsha salystyrmaly taldaý jasalsa, onda júrekti aınalyp ótý hırýrgıasy AQSH-qa qaraǵanda 80 ese arzan, Sıngapýrǵa qaraǵanda 11 ese arzan.

Búgingi tańda Astanada medısınada «altyn standart» bolyp sanalatyn JCI halyqaralyq akredıtasıasyn alǵan 7 klınıka bar:

* Ulttyq ǵylymı kardıohırýrgıa ortalyǵy («University Medical Center» korporatıvtik qory);
* «Ana men bala ulttyq ǵylymı ortalyǵy» («University Medical Center» korporatıvtik qory);
* Balalardy ońaltý ulttyq ortalyǵy («University Medical Center» korporatıvtik qory);
* Respýblıkalyq dıagnostıkalyq ortalyq («University Medical Center» korporatıvtik qory);
* Ulttyq neırohırýrgıa ortalyǵy;
* QR Prezıdenti İs Basqarmasy Medısınalyq ortalyǵynyń aýrýhanasy.
* «UMIT» halyqaralyq tomoterapıa onkologıalyq ortalyǵy.

«Medısınalyq týrızmdi damytý aıasynda «Qazaqstandyq medısınalyq týrızm qaýymdastyǵy» ashyldy, onyń basty maqsaty jergilikti turǵyndar men sheteldik týrıser arasynda medısınalyq týrızmdi dáripteý úshin medısınalyq uıymdar men týrısik sala ókilderin biriktirý bolyp sanalady. Pasıenttermen jumys boıynsha servıs-menedjmentti damytý jáne gospıtáldyq servıs sapasynyń standarttaryn arttyrý úshin halyqaralyq spıkerlerdi tarta otyryp, medısınalyq uıymdardyń qyzmetkerleri úshin kýrstar, semınarlar jáne sheberlik synyptary ótkizildi», - dep tolyqtyrdy Darına Demán.