Qazannyń 13-shi juldyzynda fýtboldan Qazaqstan ulttyq quramasy Latvıa quramasyn syrt alańda tize búktirgen bolatyn. Bul oıyn Krasnojan komandasy úshin eshqandaı mańyzǵa ıe emes edi. Bar bolǵany 5-shi orynǵa turaqtaǵanymyz bolmasa. Aqıqatyna kelsek, Qazaqstan quramasy bıyl óte sátti oıyn kórsetti. Azýly qarsylastardyń barlyǵyna tegeýrindi qarsylyq kórsete aldyq. Bul týraly «Qamshy» portaly habarlaıdy.

            Bıylǵy maýsymda bizdiń quramanyń qarqyny eýropanyń biraz basylymdarynda jaryq kórdi. Tek qana madaqtar estidik. Endi mine sońǵy oıyn. Bul oıyn túk te sheshpedi dedik. Biraq bul tek qana Qazaqsan úshin. Al, jalpy nátıjede A tobynda bul biraz sensasıalardyń bastamasy boldy.

            Nege deısiz be? Sebebi osy jeńisimiz baýyrlas Túrkıa elin Eýropa chempıonatynyń aqtyq synyna týra alyp shyqty. Al nederlandyqtar óz kezeginde toptan shyǵa almaı qaldy. Álem chempıonatynyń qola júldegerleri úshin bul aýyr soqqy bolǵany anyq edi. Al, Túrkıanyń eń úlken basylymdary Qazaqstan quramasymen qazaq eline zor rahmetterin jetkizip álek.

            Oıyn barysyna toqtala ketsek. Esep 0:1 Qazaqstan quramasynyń jeńisimen tyndy. Bizdiń qurama bul kúni barlyq jaǵynan bıik turdy. Ótkir shabýyl, tas qamal qorǵanys... Latvıa quramasymen biz buǵan deıin tórt oıyn ótkizippiz. Ekeýi teń nátıje, ekeýi bizdiń jeńilispen aıaqtalǵan. Osyǵan qaraǵanda Qazaqstan Latvıany jeńedi degenderge eshkim senbegenge uqsaıdy. Úmittengederi bolmasa. Oıyndaǵy jalǵyz goldyń avtory Islambek Qýat. Quramanyń eń úzdik jartylaı qorǵaýshylarynyń biri. Islambek ulttyq qurama sapyndaǵy sońǵy eki kezdesýde eki gol saldy. Astanadaǵy úlken fýtbol keshinde Nedırlandıa kuramasynyń qaqpasyn dál kózdegen de osy Islambek edi.

            Túrkıalyq áriptesterimiz de Islambektiń oıynyn óte joǵary baǵalaýda. Áleýmettik jelilerde de ulttyq quramanyń jartylaı qorǵaýshysyna degen qurmet pen syı sát sanap artýda. Másele túrkıalyq bir azamat: «eger jarym ul týsa esimin Islambek dep qoıamyn»,- dep jazypty. Jazbalardyń ishindegi eń áserlisi biz úshin «bir gol salyp 80 mıllıon baýyr tapty» degen pikir.

            Túrkıadaǵy sport jornalshysy Ahmet Teken óz sózinde: «kúlli qazaq baýyrlarǵa alǵys aıtamyz. Oıynda úzdik oıyn kórsetken Islambek Qýatty túrkıanyń beldi komandalarynyń sapynan kórgimiz keledi»,-dedi. Islabektiń kelesi maýsymdy Túrkıada jalǵastyrýy múmkin degen aqparat qazir jan-jaqty talqylanyp jatyr. Ol «Qaırat» sapynan aýysady ma, joq pa ol ýaqyt enshisinde. Ázirge aıtarymyz osy: jeńis qutty bolsyn aǵaıyn! Qamshydan qadir ketpesin...

Aıan Meırash

«Qamshy» silteıdi.