«Shyǵys Qazaqstan oblysynyń on turǵyny kóshi-qon zańnamalaryn buzǵany úshin el aýmaǵynan shyǵarylyp, taǵy 25 turǵynǵa aıyppul salyndy» dep habarlaıdy Qamshy.kz Shyǵys Qazaqstan oblysy İİD kóshi-qon polısıasy basqarmasy taratqan aqparatqa súıenip.

Zań talaptaryn buzǵan ol azamattardyń barlyǵy Reseıdiń otandastardy qonystandyrý memlekettik baǵdarlamasy boıynsha ótinish bergender eken. Olarǵa Reseı tarapy Qazaqstan Respýblıkasynyń azamattyǵyn tapsyrýyn kútpeı, Reseı Federasıasynyń tólqujattaryn tapsyra bergen.

«Bul azamattardyń barlyǵy Reseı azamattyǵyn alý úshin mıgrant mártebesimen Reseıge barǵandar. Sol jerde olarǵa mıgrasıalyq organdar Qazaqstan azamattyǵynan shyqqanyn rastaýsyz-aq qujattar bergen. Ózderindegi Qazaqstan Respýblıkasynyń tólqujattaryn ne isteımiz degenderge «Qazaqstanǵa ótkizińder» dep jaýap bergen. Qazaqstandyq tólqujattardy tapsyrýǵa kelgende osylaı jaýapqa tartylyp otyr» delingen kóshi-qon basqarmasynyń habarlamasynda.

Qos azamattyq ıeleri Qazaqstan zańdary boıynsha elden kúshtep shyǵarylady nemese 200 AEK  kóleminde (396400 teńge) aıyppul tóleıdi.

 «Qamshy» silteıdi