Aqordanyń baspasóz qyzmetiniń habarlaýynsha, Reseı prezıdentiniń Qazaqstanǵa resmı sapary aıasynda kelesi qujattarǵa qol qoıyldy:

1. Qazaqstan Respýblıkasynda «Kókshetaý», «Semeı» jáne «Óskemen» jylý elektr ortalyqtaryn salý jobalary boıynsha Qazaqstan Respýblıkasynyń Energetıka mınıstrligi men Reseı Federasıasynyń Energetıka mınıstrligi arasyndaǵy yntymaqtastyq jónindegi ózara túsinistik týraly memorandým;

2. Qazaqstan Respýblıkasy men Reseı Federasıasy arasyndaǵy 2024-2026 jyldarǵa arnalǵan Dene shynyqtyrý jáne sport salasyndaǵy yntymaqtastyqty damytý jónindegi is-sharalar jospary;

3. Qazaqstan Respýblıkasy men Reseı Federasıasy keden qyzmetteri ókilderiniń qatysýymen Qazaqstan Respýblıkasy Qarjy mınıstrliginiń Memlekettik kirister komıteti men Reseı Federasıasy Federaldyq keden qyzmetiniń 2024-2025 jyldarǵa arnalǵan ózara is-qımyly boıynsha is-sharalardyń birlesken jospary;

4. Qazaqstan Respýblıkasy Eńbek jáne halyqty áleýmettik qorǵaý mınıstrliginiń Eńbek jáne áleýmettik qorǵaý komıteti men Reseı Federasıasy Federaldyq eńbek jáne jumyspen qamtý qyzmeti arasyndaǵy eńbek ınspeksıasy máseleleri boıynsha ózara túsinistik jáne yntymaqtastyq týraly memorandým;

5. Qazaqstan Respýblıkasy Prezıdenti İs basqarmasynyń «Qazaqstan Respýblıkasy Prezıdentiniń Teleradıokesheni» men «Informasıonnoe telegrafnoe agentstvo Rossıı» (ITAR-TASS) Federaldy memlekettik ýnıtarlyq kásiporny arasyndaǵy aqparattyq seriktestik týraly kelisim.