«Agrarlyq nesıe korporasıasy» AQ Aqtóbe fılıaly dırektorynyń burynǵy orynbasary alaıaqtyq áreketi úshin sottaldy. 

QMA baspasóz qyzmetiniń málimetinshe, sotqa deıingi tergep-tekserý barysynda sharýa qojalyǵy basshysynyń shetelden ákelingen 277 bas asyl tuqymdy maldy satyp alý úshin «Sybaǵa» baǵdarlamasy boıynsha nesıe jelisin ashý týraly ótinishpen korporasıa fılıalyna júgingeni anyqtaldy.

"Oǵan 90 mln teńge kóleminde nesıe qarajaty bólindi. Osydan keıin sottalǵan azamat sharýa qojalyǵynyń basshysyn aldaý arqyly JSHS-men Reseıden mal satyp alý-jetkizý týraly shart jasatqan", – dedi QMA resmı ókili Álibek Ábdilov.

Sharýa qojalyǵynyń basshysy esep aıyrysý shotyna 90 mln teńge aýdarǵan, biraq bul qarajatty korporasıanyń Aqtóbe fılıaly dırektorynyń orynbasary jeke qajettilikterine jumsaǵan. Ol 5 jylǵa bas bostandyǵynan aıyryldy.