2023 jyldyń sońynda jas talapker Janerke Marattyń «Ziyaly» baspasynan «Men álemdi súıemin» atty túrli-tústi kitaby jaryq kórdi. 19 jastaǵy qalamgerdiń bul tyrnaqaldy týyndysy. Onyń alǵashqy maqalalary mektep qabyrǵasynda, úshinshi synypta oqyp júrgen kezinde-aq «Ulan», «Qazaqstan patrıoty» basylymdarynda jaryq kóre bastaǵan. 

Janerke Marat 2004 jyly Almaty qalasynda jýrnalıser otbasynda dúnıege kelgen.  2022 jyly Sh.Ýálıhanov atyndaǵy mamandandyrylǵan mektep-gımnazıany «Altyn Belgige» bitirdi. Pánder boıynsha úzdik jetistikteri úshin «El birligi» (burynǵy «Elbasy») medalimen marapattalǵan. Shetelde oqý úshin bir jyl boıy aǵylshyn tilimen aınalysty. Qoǵamdyq jumystarǵa atsalysty. Halyqaralyq IýNESKO uıymynyń jáne «Baıtaq» jasyldar partıasynyń múshesi. Ótken jyly Ortalyq mýzeıde óziniń jeke sýret kórmesin ótkizse, bıyl mine, armanyna qol jetkizip jeke kitaby baspadan shyǵyp otyr.

Ata-anasymen birge kóptegen memleketterdi aralaǵan, tarıhı oryndardy kózimen kórgen jetkinshek óz áserin qurby-qurdastarymen bóliskisi keletin. Olardyń qatarynda ózi qalam terbegen ejelgi Troıa, Topqapy saraıy, qum ishindegi Dýbaı,  Aleppo, Agra, Kýsko, Karnak, Karfagen, Stoýnhedj, Sıdon, Marakkesh sıaqty kóne qalalar bar. Arman aqyry naqty nátıjege aınaldy. Kitapqa zeredeli jastyń mektep qabyrǵasynda júrgende ustazdarynyń jetekshiligimen júrgizgen júıeli zertteýleri, ǵylymı-kópshilik materıaldary da engizilgen.   

Jınaq «Saıahatqa barǵanda», «Ejelgi qalalar tarıhy», «Tarıh – ǵylym men ónerdi jalǵastyrýshy kópir», Bala shaqtan – bolashaqqa», «Ǵylymı-kópshilik jumystar» sıaqty bes taraýdan turady.  Kitap QR Ulttyq kitaphanasynyń qoryna alyndy.  
 

Jınaqpen myna silteme boıynsha tanysýǵa bolady: