Baqytjan Saǵyntaev 2024 jyldan bastap Eýrazıalyq ekonomıkalyq komısıany basqarady. Bul týraly Reseı prezıdenti Vladımır Pýtın Joǵary Eýrazıalyq ekonomıkalyq keńeste málimdedi.
"2024 jyldyń 1 aqpanynan bastap alqa basshysy laýazymyna kirisetin Saǵyntaev myrzany quttyqtaımyn – biz ony óte jaqsy bilemiz, ol buǵan deıin EEK múshesi bolyp jumys istedi. Sondyqtan óziniń jańa mindetine jigerlene kirisetinine senimdimin. Ol sondaı-aq Qazaqstan prezıdentiniń ákimshiliginde istedi, úkimet tóraǵasy, Qazaqstannyń premer-mınıstri boldy", - dedi Reseı prezıdenti.
Ótken jyly Saǵyntaev Qazaqstan Respýblıkasy atynan Eýrazıalyq ekonomıkalyq komısıanyń Ekonomıka jáne qarjy saıasaty mınıstri bolyp taǵaıyndaldy. Sheshim EAEO samıtinde qabyldandy.
