Japonıanyń Isıkava prefektýrasynda bolǵan jer silkinisinen 62 adam qaıtys bolǵan, dep habarlaıdy Qamshy.kz aqparat agenttigi.
"Noto túbegindegi jer silkinisi saldarynan qaıtys bolǵandar sany 62-ge jetti. Qaza tapqandardyń kóbi Vadjıma men Sýzý qalalarynda tirkeldi", - delingen habarlamada.
Sondaı-aq úıindi astynda da zardap shekkender bolýy múmkin. Usaq dúmpýler bolyp jatsa da qutqarý jumystary jalǵasyp jatyr. Jalpy zilzaladan júzden astam adam zardap shekti.
Japonıanyń batysynda jańa jyldyń birinshi kúninde birqatar kúshti jer silkinisteri boldy, eń kúshti magnıtýda 7,6-ǵa jetti. Olarǵa "Noto túbegindegi jer silkinisi" degen ataý berildi. Jer dúmpýi Osaka, Kıoto jáne Tokıoda da qatty sezildi.
Japonıanyń negizgi meteorologıalyq agenttiginiń málimetinshe, bul jolǵy zilzala 1885 jyldan beri bul aımaqtaǵy eń kúshti jer dúmpýi boldy
Pikir qaldyrý