Alǵashqy satydaǵy dert bolǵandyqtan jaqyndary koróldiń aýrýynan tolyqtaı aıyǵyp ketetindiginen úmitti. Bul týraly Ulybrıtanıa premer-mınıstri Rıshı Sýnak málimdedi, dep habarlaıdy Reuters agenttigi.

«Charlz monarh retinde óz jumysyn jalǵastyra beredi, biraq keıbir mindetterdi patsha otbasynyń músheleri atqarýy múmkin», - dedi Sýnak.

The Times gazeti Ulybrıtanıa koroli İİİ Charlzdyń qaterli isikke shaldyǵýyna baılanysty keıbir qoǵamdyq mindetterdi Ýels hanzadasy Ýılám atqaratynyn jazady.

Amerıkalyq basylymnyń málimetinshe, hanzada ota jasatqan jubaıy Keıttiń janynda bolý úshin demalys alǵan, degenmen ákesiniń jaǵdaıynan habardar bolǵan ol jumysyna shuǵyl keri oralmaqshy.

Hanzada Ýılám óziniń buqaralyq mindetterinen bólek endi ákesiniń ornyna qosymsha birqatar sharaǵa qatysýǵa da májbúr bolady.

Elızaveta patshaıym dúnıeden ozǵannan keıin, jalpy Charlzdyń taqqa otyrǵanyna 18 aı bolypty.  

Aıta ketsek, keshe, 6 aqpanda Memleket basshysy Qasym-Jomart Toqaev Ulybrıtanıa jáne Soltústik Irlandıa Birikken Koróldiginiń Koroli İİİ Charlzdyń tezirek saýyǵyp ketýine tilektestik bildirip, jedelhat joldady