Ázirbaıjannyń Ortalyq saılaý komısıasynyń (OSK) tóraǵasy Mazahır Panahov prezıdenttik saılaýdyń aldyn ala qorytyndylaryn jarıalady. Ondaǵy málimetterge sáıkes, Ilham Álıev prezıdenttik saılaýda keıin saılaýshylardyń 92,0,5% daýysyna ıe bolyp, kósh bastap tur.

Ol OSK-ǵa 125 saılaý okrýgi boıynsha ashylǵan 6537 saılaý ýchaskesiniń 6102-sinen (93,35 paıyz) daýys berý nátıjeleri kelip túskenin atap ótti. Panahov hattamalarǵa sáıkes, jaramdy dep tanylǵan daýystardyń sany 4 mıllıon 651 myń 473 bolǵanyn atap ótti.

Resmı derek boıynsha, úmitkerlerge berilgen jaramdy daýystar úlesi tómendegideı:

- Ilham Álıev - 4 mıllıon 281 myń 625 daýys (92,05);

- Fýad Álıev - 24 myń 799 daýys (0,53 paıyz);

- Gýdrat Gasangýlıev - 81 myń 799 daýys (1,76 paıyz);

- Elshad Musaev - 31 myń 33 daýys (0,67 paıyz);

- Fazıl Mustafa - 92 myń 980 daýys (2 paıyz);

- Razı Nýrýllaev - 37 myń 386 daýys (0,80 paıyz);

- Zahıd Orýdj - 101 myń 851 daýys (2,19 paıyz).

Aıta ketsek, Ázirbaıjanda zań boıynsha prezıdent saılaýy 2025 jyly ótýi tıis bolǵan, alaıda Taýly Qarabaqty ózine qaıtaryp, tanymaldyǵy artqan Álıev ony bıyl ótkizýdi jón kórgen. Sondaı-aq 2024 jyly qarashada Ázerbaıjanda BUU-nyń klımattyq samıti ótedi dep josparlanyp otyr.

Negizinen, Ilham Álıev 2003 jyly Geıdar Álıevtiń ornyn basqan bolatyn. Odan keıin ol 2008, 2013, 2018 jyldary qaıta-qaıta saılanyp, el basshylyǵyna kelip aldy.