Sonymen QR Premer-mınıstriniń qaýlysymen Asqar Jákenov QR Úkimeti Apparaty basshysynyń birinshi orynbasary bolyp taǵaıyndaldy.

Asqar Jákenov 1975 jyly 13 qyrkúıekte Qaraǵandy qalasynda týǵan. Qaraǵandy memlekettik tehnıkalyq ýnıversıtetin jáne «Qaınar» ýnıversıtetin támamdaǵan.

Eńbek jolyn 1998 jyly Qaraǵandy qalasyndaǵy «Kargormash-ITEKS» JTAQ-ynda bastady. Ár jyldary QR Ádilet mınıstrligine, QR Premer-mınıstri keńsesinde laýazymdy qyzmetter atqardy. Bul taǵaıyndaýǵa deıin ol QR Prezıdenti Ákimshiliginiń basshysy hatshylyǵynyń meńgerýshisi bolǵan.

Sondaı-aq Memleket basshysynyń ókimimen Dáýren Muratbekov Qazaqstan Respýblıkasy Joǵary Sot Keńesiniń hatshysy – apparat basshysy laýazymyna taǵaıyndaldy.

Aıta ketsek, 2015 jyldan beri bul qyzmetti Ánýar Sabyrov atqaryp kelgen bolatyn. Ol qańtar aıynyń basynda qyzmetinen ketti.