Búgin Mádenıet jáne aqparat mınıstrligi Qazaqstandaǵy LGBT saıtyn buǵattady, dep habarlaıdy KazFace.kz. LGBT saıty buǵattalǵanǵa deıin basty betinde "Selftanu.kz bul – LGBTK+ jasóspirimder men ózin-ózi túsingisi keletinderge arnalǵan joba...", dep jazylǵan bolatyn.
Atalǵan saıttaǵy maqalalar mazmuny qazaqstandyqtardyń narazylyǵyn týdyrdy. Dástúrli emes jynystyq baǵdardy nasıhattaýǵa arnalǵan LGBT+ jasóspirimder saıty elimizde alǵash tirkelgen kúni kópshilik qarsylyq tanytyp petısıa jarıalady. KazFace.kz redaksıasy atalǵan saıtty buǵattaýdyń sebebi týraly túsinikteme alý úshin aqparat mınıstrligine júgindi.
"Internet-resýrstaǵy monıtorıń barysynda "selftanu.kz" Balalardyń densaýlyǵy men damýyna zıan keltiretin aqparatty taratýǵa baılanysty zańnamanyń buzylýy anyqtalǵan. Balalardyń quqyqtaryn qorǵaý jónindegi ýákiletti organnyń sheshimi boıynsha Qazaqstanda balalar men jasóspirimder arasynda LGBT qozǵalysynyń ıdeıalaryn ashyq ınternet-resýrstarynda taratý qaýipti. Ol memlekettik mádenı qundylyqtar men tarıhı jáne dástúrli qaǵıdalarymyzǵa qaıshy. Balalardyń psıho-jas erekshelikterin eskerip, aqparattyq qaýipsizdik sharalaryn ornatý negizinde buǵattalǵan.
Qazaqstan Respýblıkasynyń "Balalardy densaýlyǵy men damýyna zıan keltiretin aqparattan qorǵaý týraly" zańda jynystyq-erotıkalyq sıpattaǵy materıaldarǵa tyıym salynǵany kórsetilgen.
Sondaı-aq, "Bala quqyqtary týraly" zańda pornografıany taratatyn, balalarǵa zıandy áser etetin jáne quqyq buzýshylyqtar jasaýǵa yqpal etetin buqaralyq aqparat quraldaryn paıdalaný da zańmen qýdalanady jáne olardy taratýǵa tyıym salynady delingen.
Atalǵan sebepter boıynsha mınıstrlik "selftanu.kz" ınternet-resýrsyna shekteý sharalaryn qabyldady. Sondaı-aq Mınıstrlik ókili atalǵan saıt zań talaptaryn oryndap, eskertý oryndalǵan jaǵdaıda ınternetke qosylý qaıta qalpyna keltiriletinin atap ótti.
