• Abaı oblysynyń aýmaǵynda orman órtinen keıingi zardapty joıý boıynsha mınıstrlik qabyldaǵan sharalarǵa toqtalyp ótpekpin. Birinshiden, 2023 jylǵy qazan aıynda mınıstrlik jedel shtab qurdy. Onyń quramyna Orman sharýashylyǵy jáne janýarlar dúnıesi aýmaqtyq ınspeksıanyń ókilderi, «Semeı ormany» rezervatynyń mamandary, Abaı oblysynyń ákimdigi men quqyq qorǵaý organdarynyń ókilderi kirdi. Ekinshiden, tıisti jol kartasy bekitildi. Órt shalǵan ekpelerge qatysty orman mamandary júrgizgen zertteýlerdiń nátıjeleri boıynsha aǵash zıankesteri men aýrýlary baıqalǵan. Osyǵan baılanysty orman zıankesteriniń taralýyna jol bermeý jáne aǵashty saqtaý maqsatynda búlingen súrekti jınap alýdy barynsha qysqa merzimde júzege asyrý qajet», - dedi E. Nysanbaev.

Sondaı-aq ol aldyn ala derekter boıynsha órtengen aǵashtyń kólemi shamamen 6 mln tekshe metrdi qurady. Rezervatta bar tehnıka men jabdyqtar, sondaı-aq adam resýrstary orman sharýashylyǵy jumystarynyń osyndaı kólemin oryndaýǵa eseptelmegen. Osyǵan baılanysty arnaıy tehnıka men jabdyqtaryn satyp alý qajet. «Órtengen orman aǵashtarynyń jalpy kóleminiń shamamen 80 paıyzy otyndyq aǵash. Sondyqtan bul aımaqta aǵashty tereńdetip óńdeý zaýytyn salý kerek. Bul rette, Mınıstrlik Abaı oblysynyń ákimdigimen birlesip, orman órtinen búlingen súrekti tereńdetip óńdeý zaýytyn salý úshin ınvestorlardy tartý máselesin pysyqtap jatyr. Qazir 4 kompanıa osyǵan múddeli ekenin bildirdi», - dedi mınıstr.

Mınıstrdiń aıtýynsha, Qostanaı oblysynda órtengen orman aǵashtaryn jalpy respýblıka boıynsha aǵash óńdeý ónerkásibin damytý máselesi bar. «Atap aıtqanda, «Semeı ormany» rezervatynda órtengen orman aǵashtaryn tazartý jumystary bıylǵy 15 qańtardan bastaldy. Bul jumysty rezervat óz kúshimen iske asyrylyp jatyr. Qazir 415 tekshe metri daıyndaldy. Jumystyń aýqymdylyǵyn (6 mln tekshe metr) eskere otyryp, osy jumystarǵa Orman sharýashylyǵy jáne janýarlar dúnıesi komıtetiniń rezervatqa jaqyn ornalasqan tabıǵat qorǵaý mekemelerin jumyldyrý josparlanǵan», - dedi QR Ekologıa jáne tabıǵı resýrstar mınıstri.