Ýkraına jerindegi Reseı okýpasıalaǵan Donesk oblysynda Reseı jaýyngerleri jappaı qyryldy.

Komandırler Trýdovskoe poselkesiniń mańynda úsh rota men gvardıalyq atqyshtar brıgadasyn Shyǵys áskerı okrýginiń qolbasshysy general-maıor Oleg Moıseev degen shendi keledi dep, sony qarsy alý úshin sapqa turǵyzǵany habarlanyp jatyr.

Alaıda kútken general sol kúıi kelmegen, esesine Ýkraına qarýly kúshteri tarapynan eki HIMARS zymyrany ushyp kelip, shamamen 60 jaýyngerdi jer jastandyrǵany habarlanyp jatyr.

Jalpy, 2022 jyldyń 24 aqpanynda Ýkraınaǵa soǵyspen kirgen Reseıdiń osy kezge deıin 45 myń jaýyngeri ólgeni anyq bolyp, rastaldy.

Táýelsiz zertteý júrgizgen jýrnalıser Ýkraınadaǵy soǵysta ólgen 45 123 reseıliktiń aty-jónin anyqtady. Reseıdiń adam shyǵynyn BBC telearnasynyń Orys qyzmeti men «Medıazona» eriktiler tobymen birge sanap shyqty, degen aqparat paıda boldy.

Ólgenderdiń úshten ekisi soǵys bastalǵanǵa deıin armıamen baılanysy bolmaǵan adamdar: eriktiler, mobılızasıalanǵandar, túrmede jaza óteýshiler jáne jekemenshik áskerı kompanıa jınaǵan jaýyngerler. Mobılızasıaǵa iligip, maıdanda ólgen 5406 adamnyń 80 paıyzy soǵystyń ekinshi jyly qaza bolǵan.

Krasnodar óńiri, Sverdlovsk oblysy, Bashqurtstan jáne Chelábınsk oblysy soǵysta ólgender sany jóninen alda keledi eken.

Máskeý men Kıev Ýkraınadaǵy soǵysta qansha adam ólgeni týraly málimetti bermeı, taratpaı otyr.

Eki tarap maıdandaǵy jetistigin ásirelep, sátsizdigin aıtpaýǵa tyrysady.