Tanymal kınorejısser Serik Jarmuhamedov dúnıeden ozdy

/image/2024/02/23/crop-26_-1_299x398_101848920200.jpg

Qaraly habardy mádenıet salasynyń adamdary áleýmettik jelide bólisip, marqumnyń týǵan-týystaryna kóńil aıtýda.

"...Eshqashan eńbegin buldaýdy bilmeıtin, ózin uly ónerdiń qulaqkesti qulyndaı sanaǵan qarapaıym qalpynda, eshkimge salmaq salmaı, boıyna pendeshilik jýytpaǵan kúıi, júzinen oınaqy kúlki arylmaǵan jarqyn beınesinde jadymyzda qaldy. Kún sekildi kúlimdep, aınalasyn shýaqqa bólep júretin abzal aǵa edi.

«Oınaqy» degen sózdi beker qoldanyp otyrǵan joqpyn. Rasynda da, Serik aǵanyń kózinde de, júzinde de qashanda kóterińki kóńiliniń, taza janynyń nuryndaı bolyp, qýaqylyq, oınaqylyq, adamdy lezde jadyratyp jiberetin jaqsy qasıet bar edi. Tipti ondaı ráýish ol kisiniń daýsynan da sezilip turatyn.

– Assalaýmaǵaleıkúm! – dep amandastym birde uıaly telefonyna qońyraý shalyp.

– Ýaǵaleıkúmássalam-eı! – dedi Serik aǵam sergek únmen daýsy sańq etip. Únemi osylaı jaýap beretin. Keı úlkender tárizdi únin yńyrana sozyp, kim ekenińdi surap, asyqpaı jaýap berý ol kisiniń tabıǵatyna jat edi.

– Týǵan kúnińiz qutty bolsyn! – dedim.

– Áı, sen meniń týǵan kúnimdi qaıdan bilesiń-eı? – dedi Sekeń ózine tán oınaqy únmen.

– Bilýge tıispin, jumysym sondaı! – dedim men de aǵanyń kóterińki kóńil kúıine saı sóıleýge tyrysyp.

– E, jón eken. Qartaıǵan adamǵa týǵan kún degen sonshalyqty mańyzdy mereke emes qoı. Óıtkeni bizdiń jasymyzda tiri júrgen ár kúniń – mereke, aǵaryp atqan ár tańdy kórgeniń – shúkirshilik... Sonda da qýanyp qaldym-eı habarlasqanyńa, raqmet! – dedi aǵamyz.

Bul – sońǵy sóılesýimiz eken.

2000 jyly rejıser Amangeldi Tájibaevtyń "Aqyrǵy amanat" fılmi týraly maqala jazyp, ishinde Serik aǵanyń týyndylaryn da qosa atap aıtyp, taldaǵanmyn. "Kınodaǵy osy býyn laıyqty baǵasyn ala almaı keledi. Osyndaı tulǵalardy nege óz dárejesinde nasıhattaı almaı júrmiz, shyǵarmalaryn zerdelep, tarazylap, ult óneri qoryndaǵy ornyn anyqtaı almaı júrmiz?" dep ábden "ashýlanyp" jazyp, áreń toqtaǵam))

Sol maqalany oqyp, Serik aǵam redaksıaǵa qońyraý shaldy. Menimen sóılesti. "Asa tyndyryp tastaǵan eshteńemiz joq shyǵar, biraq eńbegińdi bireý elep jatsa eleń etip, "apyraı, biz týraly da bireý birdeńe deıdi eken-aý" dep rıza bola qalady ekensiń" dedi kúle sóılep. Qarapaıym kisi edi ǵoı. Sosyn dereý "Áı, seniń aýdarmaǵa ebiń qandaı?" dedi. "Bar sıaqty" dedim. "Onda "Habarǵa" kel, men qazir dýbláj jaǵyna rejıser bop júrmin. Fılm, serıal alyp turasyń" dep shaqyrdy. Sodan talaı jyl Sekeńmen qoıyn-qoltyq jumys istep, birneshe kórkem fılm, telehıkaıa aýdarýǵa qatystyq.

Qazaq kınorejıssýrasynda Sháken Aımanov, Sultan Qojyqov, Abdolla Qarsaqbaev, Májıt Begalın syndy alyptar shoǵyry boldy. Talaı klasıkalyq dúnıeler qaldyrdy. Osy ulylardyń jolyn jalǵaǵan, jandarynda júrip tálim alǵan, qazaqy týyndylarymen ult ónerine úles qosqan býyn da birte-birte máńgilik mekenderine kóship jatyr. Shárip Beısembaev, Amangeldi Tájibaev, endi mine – Serik Jarmuhamedov...

Túsirgen kınotýyndylary qandaı oıly da syrly, ózi sonshalyq qarapaıym hám shynaıy adam edi. Taza adam edi. Bizdiń qazirgi qoǵamda mundaı tulǵalardy qadirleı bilý jetispeı jatatyny da qynjyltpaı qoımaıdy. Alla aldynan jarylqasyn deımiz", dep jazdy jelide ádebıet synshy Sáken Sybanbaı.

Tanymal kınorejısser Serik Jarmuhamedov dúnıeden ozdy

Qatysty tegter :

Pikir qaldyrý

Qatysty Maqalalar