Úkimet otstavkaǵa ketkende "Álıhan Smaıylovtyń ornyn basatyn osy adam" degen boljamdy tizim arasynda Tımýr Súleımenovtiń esimi de arakidik boı kórsetken bolatyn. Osyǵan qatysty tilshiler Ulttyq bank tóraǵasynyń pikiri qandaı ekenin bilip kórýge tyrysty.

"Shynymdy aıtsam, (boljamdy) elemedim. Rasynda, bizde avtorlary belgili-belgisiz kóptegen ártúrli Telegram arnalar bar. Endi solardyń árqaısysy ne jazdy dep qarap otyrmaımyn ǵoı. Sheshim qabyldandy, Amanat partıasy bastamashy boldy, Memleket basshysy qoldap, Májilis te daýys berdi, sondyqtan bul sheshim durys dep sanaımyn", dedi Ulttyq bank basshysy.

Sondaı-aq ol buǵan deıin de Úkimetpen de, Oljas Bektenovpen de arada syndarly qarym-qatynas ornatylǵanyn basa atap ótti.

"Men Prezıdent Ákimshiliginde onymen birge (Oljas Bektenovpen) jumys istegenmin, onyń birinshi orynbasary da boldym, sondyqtan bizge birge jumys isteý ońaı. Biz bir-birimizdi jaqsy túsinemiz. Kóptegen joba men reformalar ornynan qozǵalady dep oılaımyn", dedi Tımýr Súleımenov.

«Úkimet basshysy bolmaı qalǵanyńyzǵa esh ókinbeısiz be» dep qaıtalanǵan suraqqa ol:

«Túk qynjylmadym» dep qysqa jaýap qaıyrdy.

Aıta ketsek, 2024 jyly 6 aqpanda Úkimet basshysy bolyp Oljas Bektenov taǵaıyndaldy. Úkimet otstavkasynan keıin jańa Premer-mınıstr Tımýr Súleımenov, ne bolmasa Erlan Qoshanov bolady degen boljamdar bolǵan.