Densaýlyq saqtaý mınıstrliginiń alqa májilisinde Álnazarova 2025 jyldyń 1 qańtarynan bastap "ál-aýqaty tótenshe jáne qıyn deńgeıdegi" qazaqstandyqtardy jergilikti búdjetten saqtandyrý qamtamasyz etiletinin málimdedi.

   Keıin mınıstrden medısınalyq saqtandyrýmen qamtylatyn qazaqstandyqtardyń ál-aýqaty qalaı anyqtalatyny jáne Qazaqstanda mundaı azamattardyń sany qansha ekeni suraldy.

   "Másele óte mańyzdy, óte kúrdeli, óıtkeni halyqty medısınalyq kómeksiz qaldyrmaýymyz kerek. Al qazir bul másele qatty tańǵaldyrdy. Byltyr, sizder bilesizder, Áleýmettik kodeks qabyldandy jáne Otbasynyń sıfrlyq kartasy engizildi. Byltyr otbasylardyń sıfrlyq kartasy toltyryldy, búgin Eńbek jáne halyqty áleýmettik qorǵaý mınıstrligi arqyly jalpy tabysy ruqsat etilgennen tómen otbasylardyń sanattaryn kórip otyrmyz", - dedi mınıstr.

     Aqmaral Álnazarovanyń aıtýynsha, Qazaqstan halqy shartty túrde bes sanatqa bólingen:

    - Biz E sanatyn alamyz. Búginde resmı málimetter boıynsha, onda 192 myń adam bar. Bul sanat úshin ákimdikter tóleýi tıis saqtandyrý jarnalarynyń mólsherlemesin belgileýdi josparlap otyrmyz. Bul rette S jáne D sanattary bar, olarda negizinen táýekelder bar, biraq kóleńkeli ekonomıkanyń aıtarlyqtaı joǵary úlesin eskere otyryp, bul másele jalpyǵa birdeı deklarasıalaý kezeńimen anyqtalatyn shyǵar,-  deıdi A.Álnazarova.