Túrkimenstan memleketiniń SİM Qazaqstan Respýblıkasynyń prezıdenti N.Á. Nazarbaevtyń málimdemesine qatysty resmı túrde qarsylyq bildirip, túsinik berýin talap etip otyr. Bul týraly «Qamshy» portaly 365.ınfoǵa silteme jasaı otyryp habarlaıdy.
Naqtylaı ketetin bolsaq, Túrkimenstan SİM habarlamasynda 2015 jyldyń 15 qazanynda Astana qalasynda ótken Reseı men Qazaqstan Respýblıkasynyń prezıdentteri brıfıńisinde qazaqstandyq taraptan Ortalyq Azıanyń qaýipsizdigi haqynda sóz qozǵaldy. Brıfıń barysynda Túrkmenstan shekarasynyń boıynda bolǵan oqıǵalar týraly da aıtyldy.
Osyǵan qatysty Túrkimenstan jaǵy óziniń narazylyǵyn bildirip otyr. Olar mundaı oqıǵanyń bolmaǵandyǵyn málimdedi. Sonymen qatar, bizdiń baýyrlas el tarapynan Qazaqstan eliniń budan bylaı Túrkimenstan eline qatysty málimdeme jasaǵanda tıanaqty tekserilgen málimdemelerge súıenýin surady.
Esterińizge sala keteıik, atalǵan málimdeme Qazaqstan tarapynan aǵymdaǵy jyldyń qazanynda Reseı federasıasynyń prezıdenti V.V. Pýtınmen Qazaqstan Respýblıkasynyń prezıdenti Nursultan Ábishulynyń birlesken brıfıńisinde aıtylǵan bolatyn.
Óz kezeginde Qazaqstannyń SİM túrkimenstandyq áriptesterine da jaýap qaıtardy. Berilgen jaýap mátininde Qazaqstan Ortalyq Azıanyń qaýipsizdigine alańdaýshylyq bildiretinin málimdegen. Sonymen qatar, Qazaqstan eki el arasyndaǵy tatýlyqty saqtaýǵa múddeli ekenin jetkizdi.
«Qamshy» silteıdi
