Ult josparynyń 97 qadamynda «Ózin-ózi retteý men jergilikti ózin-ózi basqarýdy damytý arqyly azamat­tardyń sheshim qabyldaý úderisine qatysý múmkindigin keńeıtý.

Memleketke tán emes qyzmet­ter­di básekege qabiletti ortaǵa jáne ózin-ózi retteýshi uıymdarǵa berý kerek» delingen.

Búginde birqatar damyǵan memleketter turǵyndar arasyndaǵy turmystyq prob­lemalardy sheshýdi belsendi azamattyq qoǵam ınstıtýttaryna tapsyryp úlgerdi. Desek te, úkimettik emes uıymdar turǵyndarǵa memlekettik qyzmet kórsetýge qansha­lyq­ty daıyn? Iakı búginde memlekettik organdar atqaryp otyrǵan qyzmet túrlerin ÚEU qanshalyqty sapaly atqara alady? Osy baǵyttaǵy birqatar suraqtar «Memleket basshysynyń memlekettik organdardyń áleýmettik mańyzdy memlekettik qyzmet kórsetýge qatysty ókilettigin azamattyq qoǵam ınstıtýttaryna berý týraly basta­masyn talqylaý boıynsha» qoǵamdyq tyńdaýda talqyǵa salyndy. «Azamattyq alánsy» bastamasymen uıymdastyrylǵan sharaǵa úkimettik emes uıymdar, memle­ket­tik organdardyń ókili men qala turǵyndary qatysty. Sarapshylar memlekettik or­gan­dardyń qyzmetin atqarýǵa tolyqtaı daıyn úkimettik emes uıymdarǵa memlekettik qyzmetter tiziminiń keıbireýin tapsyrý kerektigin alǵa tartty.
Elbasy «Nur Otan» partıasynyń HVİ sezinde «Barshaǵa birdeı zamanaýı memle­ket: bes ınstıtýttyq reforma» atty baıandamasynda «besinshiden, qoǵamda ózin-ózi retteýdi keńinen engizýdi qamtamasyz etý qajet. Azamattyq qoǵam ınstıtýttarynyń daıyndyǵyn esepke ala otyryp, áleýmettik mańyzdy qyzmet túrlerin atqarý ókiletti­gin birtindep tapsyrý arqyly memlekettik organdardyń jaýapkershiligin azaıtý asa mańyzdy» dep atap kórsetken bolatyn. Osy oraıda Syrtqy ister mınıstrligi áleý­mettik mańyzdy memlekettik qyzmetterdi úkimettik emes sektorlarǵa tapsyrǵan Uly­brıtanıa, AQSH, Vengrıa; Sıngapýr; Kanada, Japonıa, Shvesıa, Latvıa syndy el­derdiń halyqaralyq tájirıbesine saraptama júrgizgen bolatyn. Halyqaralyq tá­ji­rıbe nátıjesi tutastaı alǵanda, memlekettik organdardyń jekelegen qyzmetteri men fýnksıalaryn kórsetetin azamattyq qoǵam ınstıtýty qyzmetterin kúsheıtý kerektigin jáne olardy qarjylandyrý memleket qarajaty esebinen júzege asyry­latynyn kórsetti. Azamattyq qoǵam ınstıtýttarynyń qyzmeti, olardyń memleket­-
tik qurylymdarmen ózara birlesýi arqyly azamattardyń áleýmettik jáne mádenı damýyna baǵyttalýy kerek. 
Marıana GÝRINA, «Ulaǵatty januıa» qoǵamdyq qorynyń prezıdenti:
– Kez kelgen qoǵamdyq máseleniń mánin túsindirip, sheshimin tabamyn dep shap­qy­lap júrgen qoǵamdyq qor belsendileri rasynda kómek surap kelgen ár turǵynǵa asa jaýap­kershilikpen qaraıdy. Belgili bir máseleni sheshýde sońyna deıin júgiredi. 
Azamattyq sektor memlekettik organdarǵa júktelgen mindetti óz moınyna alýǵa to­lyqtaı daıyn ekenine senimdimin. Ázirge ÚEU-ǵa beriletin kishigirim sharýalardyń tizimi jasalyp jatyr eken. Durys. Aldymen, sondaı jumystardy-aq tapsyrsyn. Ha­lyqqa ras jany ashıtyn azamattyq qoǵam turǵyndardyń turmystyq problemalaryn qolǵa alǵanda júıe ózgeredi, bılikke senim artady. 
Elena KIM, «QR Qyzyl jarty aı qoǵamy» qoǵamdyq birlestiginiń bas dırektory:
– 2000 jyldan beri jumys istep jatqan bizdiń uıymnyń tájirıbesinde MEU qan­shalyqty memlekettik organdardyń qyzmetin atqara alatynyn aıta alamyn. Búginde birlestiktiń ártúrli halyqaralyq jáne otandyq seriktesteri barshylyq. Aldyńǵy qatarly MEU-men birlese jumys isteý arqyly birshama tájirıbe jınaqtaı aldyq. Elbasy kez kelgen azamattyq qoǵamǵa jaýapkershilik júktemes buryn sol uıymnyń daıyndyǵyn esepke alý kerektigin alǵa tartty. Birlestiktiń kez kelgen baǵytta utym­-dy qyzmet atqarýy úshin qajet jospary, baǵdarlamasy, rettelgen júıesi bar. Bul maqsatta bizdiń uıym tolyǵymen daıyn. Al úkimettik emes uıymdardyń adamı jáne materıaldyq resýrsy qanshalyqty daıyn? Bul bólek áńgime. 
Natalá TÝKALEVSKAIa, Qant dıabetimen kúresýdi nasıhattaý qory:
– Memlekettik organdardyń qyzmetin atqarýǵa keıbir úkimettik emes uıymdar daıyn, keıbireýi daıyn emes. Eki jaqta da saýatty, bilimdi, belsendi azamattar bar jáne saýatsyz, tek «qarajatty qalaı jymqyrsam bolady eken» dep ońtaıly tusty túgendep júrgen sanasyzdar da jetkilikti. Sol sebepti de ÚEU-nyń ishinen qyzmetke jaram­dysyn saraptap alý asa mańyzdy. Uıymdyq bedelinen buryn sapasy men daıyndyǵy esepke alynýy kerek. 23 jyl qoǵamdyq sektorda qyzmet etip júrgen ókil retinde óte saýat­ty jobalardyń qoǵamdyq uıymdardyń sapasyz qyzmetiniń kesirinen sátsiz aıaq­talyp jatqanyna talaı kýá boldyq. 
Budan bólek, qandaı da bilim berip, bilmegenimizdi úıretip, tájirıbe bólisýde tek halyqaralyq qorlar, ıakı donorlar kómektesedi degen pikirden aýlaq bolýymyz qa­jet. Qansha jyldan beri memlekettik mekemelermen birlese jumys istep kelemiz. Munda da saýatty mamandar barshylyq. Tipti keıbir memlekettik mekemeler bizge ıdeıa aıtyp, usynys jasap jatady. Máselen, Almatydaǵy «Qant dıabeti» densaýlyq mektebi – halyqaralyq standartqa jáne elimizdegi bekitilgen metodıkaǵa tolyq sáıkes keletin jalǵyz mektep. Ras, bastapqyda aıaqqa turýy úshin halyqaralyq júıeden bilmegenin úırenip, túsinbegenin suraý kerek bolǵan da shyǵar. Biraq sol mekteptiń halyqaralyq dárejege jetýinde Densaýlyq saqtaý mınıstrliginiń eńbegin atap ótpeýge bolmaıdy. Sol eki jaqty bólip qarastyrmaı, birlesýin qolǵa alý kerekpiz. Qandaı qyzmetti mem­le­kettik organ atqara alatynyn, al qaı jumysty úkimettik emes uıymdarǵa tapsyrý kerektigin túsinýimiz qajet. 

"Qamshy "silteıdi

Derekkóz: "Aıqyn-aqparat"