Aıtýynsha, oqýshylardyń senbiligi men kezekshiligin alyp tastamaı, kórshi Ózbekstannan úlgi alýymyz kerek. 

Ponomarev Memleket basshysynyń tapsyrmasy boıynsha elimizde "Taza Qazaqstan" aýqymdy naýqany bastalǵanyn eske saldy. Alaıda depýtat tazalyqtyń tek ákimderdiń ǵana emes, árbir azamattyń mindeti ekenin atap ótti.

"Biz bárimiz Germanıanyń, Shveısarıanyń, Japonıanyń tazalyǵyna tańdanamyz. Tipti kórshiles Ózbekstanda da kóshe tap-taza. Biraq bul olardyń bıliginiń jaqsy jumys isteıtini nemese qarajattarynyń kóptiginen emes. Azamattarynyń sanalylyǵynyń arqasynda saqtalǵan. Tazalyq - qoǵamdyq qundylyq. Kóshelerdegi tártip – eldegi tártip.

Máselen Samarqandqa nemese Tokıoǵa barsaq, olardyń taza kóshelerine túkire alamaımyz ǵoı! Bul bizdegi ǵımaratta temeki shegýge tyıym salý sıaqty qabyldanbaıdy", - deıdi májilismen.