Almaty oblysynyń ákimi M.Sultanǵazıev jáne «Alataý» AEA dırektory J.Saýrbektiń JTC kompanıasynyń (Sıngapýr) basshylyǵy – Nelson Lúmen kezdesýi ótti. JTC Sıngapýrdaǵy bas josparlardyń, arhıtektýralyq sheshimderdiń jáne kelesi urpaq ýrbanızasıasynyń jetekshi ázirleýshisi.

Almaty oblysy ákimi baspasóz qyzmetiniń habarlaýynsha, Lú ındýstrıalyq, erkin ekonomıkalyq aımaqtar men arnaıy startap-ınkýbatorlar jumysynyń tájirıbesimen jáne erekshelikterimen bólisken. Taraptar jer resýrstaryn basqarý tártibi men tetikterin, tirkeý tártibin jáne turǵyndarǵa qyzmet kórsetýdi talqylaǵan.

Almaty oblysynyń basshylyǵyna Djýrongtaǵy «Seletar» aeroǵarysh saıabaǵy, jáne «Tuas» bıomedısınalyq saıabaǵyndaǵy jańa aýmaqtardy damytý kartasy usynyldy.

Kezdesý nátıjesinde tájirıbe almasý jáne qazaqstandyq mamandardy oqytý týraly kelisimge qol jetkizildi. Sondaı-aq Lú myrza Qazaqstanda ótetin bıznes-forýmǵa shaqyryldy.

Bul kezdesý Almaty oblysynyń óńirdi damytý úshin ozyq halyqaralyq tájirıbeni tartýǵa umtylysynyń jarqyn mysaly. Tıimdi ındýstrıalyq aımaqtarymen jáne joǵary tehnologıalyq sheshimderimen tanymal Sıngapýr tájirıbesi, ınvestorlar úshin aımaqtyń tartymdylyǵyn arttyrý jáne ekonomıkalyq ósýdi jedeldetýde qundy qural bola alady.