Almaty qalasy Naýryzbaı aýdandyq sotynda tórt aılyq balany basyp óltirgen kólik júrgizýshi-áıelderdiń ústinen ótip jatqan sot prosesinde birneshe buqaralyq aqparat quraldary ókilderiniń dıktofondary joǵaldy, - dep habarlaıdy «Qamshy» aqparattyq portaly Today.kz-ke silteme jasap.

Sot otyrysynan soń jýrnalıserdiń zaldan dıktofondary joǵalǵany belgili bolady. Biraz ýaqyttan soń dıktofondar túsiniksiz jaǵdaıda ıelerine qaıtarylǵanymen, ishindegi materıaldardyń óshirilip tastalǵany anyqtaldy. Today.kz, informburo.kz aqparattyq saıttary men "Vremá" gazetiniń jýrnalıseri osylaı materıaldarynan aıyrylyp qaldy.

• Biz sot bastalǵanda dıktofondarymyzdy qosyp, kýágerler sóıleıtin minberge qoıdyq ta, jýrnalıser úshin belgilengen oryndarymyzǵa jaıǵastyq. Qyryq mınýttaı ýaqyt ótken soń sýdıa Esbergenov bizge kelip, jýrnalıserdiń ózimen birge syrtqa shyǵýyn surady. Dálizde 15 mınýt turǵannan soń sot zalyna qaıta kirdik, deıdi «Vremá» gazetiniń tilshisi Ekaterına Tıhonova. Sonymen qatar, sýdıa jýrnalıserdi jabyq talqylaý kezinde de zalǵa kirgizbegen.

Otyrys bitisimen jýrnalıser dıktofondarynyń joǵalǵanyn bilip, zaldaǵy beınekamera jazbalaryn qaraýdy suraıdy. Sot hatyshysy jýrnalıserge jabyq talqylaý kezinde kameralardyń óshirilip tastalǵanyn aıtqan. Biraq, kóp uzamaı dıktafondar tabyldy. Alaıda, olardyń ishindegi jazbalardy belgisiz bireý túgel óshirip tastaǵan.

Today.kz portalynyń tilshisi osy oqıǵa týraly Bostandyq aýdandyq İİB-ne shaǵym túsirdi.