Táýelsizdik alǵan shırek ǵasyrdan beri «Nan bolsa, án de bolady» degen «ustanymmen» kelgen bizdiń basshylar daǵdarys daýylyna shydamaı, ebelektep-eseńgirep qaldy...

...«Aqyrzaman taıanǵanda jerdiń qyrtysyndaǵy baqa-shaıannyń bári jerdiń betine shyǵady» – dep otyrýshy edi burynǵylar, shyndyǵynda, «sasqan úırek – artymen súńgip», bizdiń atqaminerler eldiń kóńilin tynshytý úshin, tipti, kóripkelderge kórpe tóseı bastapty...

Aıtqanynyń 85 paıyzy «aınymaı keletin» reseılik atyshýly kóripkel Pavel GLOBAnyń «mıstıcheskýıý straný-step, kotoraıa mená prınála» dep, qazaq topyraǵyna kóship alǵanyna da biraz ýaqyt boldy. Atasynyń «ushaqqa minbe, qatynǵa qumar bolma» degen ósıetiniń alǵash­qysyn oryndap, sońǵysyna álsizdik tanytqan kóripkel Astanadan kózi aspantústi mahabbatyn kezdestiripti...

Kitap oqýdy janyndaı súıetin, mamandyǵy tarıhshy Globa alǵashynda dúnıege materıaldyq kózqarastaǵy óziniń kóripkeldikke sene qoımaǵanyn, tek atasynan qalǵan astrologıa týraly kitaptardy úzdiksiz oqı bergenin aıta kelip, búgingi kúnniń basty tórt túıinine toqtalypty:

1. Álemdik soǵys órti órshı túsedi...

2. Amerıkandyqtar ıran isine mindetti túrde aralasýy kerek, óıtkeni, Iranda soǵys bolady...

3. Qara qytaı jer betin qaptaýyn jalǵastyrady. Mysaly, Parıjdiń qaq ortasynda túrleri bir-birine óte uqsas bolǵandyqtan, qytaılyqtardyń birneshe býyny birneshe ǵasyr qujatsyz ómir súrip jatyr...

4. Reseıdiń ekonomıkasy tizerlep, tek iri qalalar ǵana aman qalady. Ál­em­ge jańa kózqarastaǵy esi durys, salaýatty orystar ǵana el qataryna qosylady.

...Kezinde «sovet bıligine qarsy» degen laqappen túrmege de otyryp shyqqan Pavel Globa ustazdyq qyz­met­ten shettetilip, ǵylymı eńbegin qor­ǵaı almaı, pesh jaǵýshy bolyp jumys istegen eken.

Degenmen, kóripkeldik - sonshalyqty salmaqty, áste abyroıly sharýa emes. Tanymal qazaq jýrnalısi Arman SQABYLULY «Qazaq jýrnalıs­terine qaryzbyz» atty jazbasynda: «Ekeýi de ol kezde ákim edi. Biri batys oblystardyń birin– balshyqtan arshyp jatsa, ekinshisi – ońtústiktegi Shymkenttiń shyraıyn keltirýge kúsh salyp jatqan bolatyn...

...Meni tań qaldyrǵany Berdibek (Saparbaev Q.Ǵ.) aǵamyzdyń amandyqtan soń aıtqan sózi boldy.

– Men qazaq jýrnalıserine qaryzdarmyn, – dedi ol, – Ekonomıka mınıstrliginde qarapaıym qyzmetker bolyp júrgenimde bir kúni “Habar” jýrnalıserine qazaqsha suhbat beretin adam tabylmaı, basshylar amalsyz meni usynypty. Shama sharqynsha sóılep berdim. Sol kúni-aq memleket basshysynyń kózine túsken bolýym kerek. Kóp uzamaı qyzmetim de órleı berdi…

…Atyraý saparynda da dál solaı. Almatyda Atyraý oblysynyń kórmesin túsirip jatyr edik, eksponattardy aralap júrgen Imekeńdi (Tasmaǵambetov. Q.Ǵ.) kózimiz shalyp qaldy.

–  Men qazaq jýrnalıserine qaryzbyn. Eńbegimdi eń alǵash jalpaq jurtqa jarıalaǵan da solar!

…Ekeýi de attan túspeı keledi. Túspese eken!» – dep tebirenipti...

Kún saıyn ulttyq teńgesiniń quny túsip, benzıniniń baǵasy aspanǵa sharyqtaǵan eldiń tilshisine tilin tistep, «kópirkel»-kóńilin demdep-emdep, «tarlandaryna» «tań qalýdan» basqa ne qaldy deısiń?!.

Al, kóripkeldikpen nanyn taýyp, ataǵyn jaıǵan Pavel Globa qaz­aq topyraǵynan kóptegen adal dos­tar taýyp, birneshe kitaptar jazyp, telejuldyz bolǵandyǵyn, óziniń arnaıy oqýlaryn ótkize bastaǵanyn, tipti, qazaq eliniń jarqyn bolashaǵy úshin aıanbaı ter tógetindigin málimdepti.

Qyza-qyza kelgende ataqty kóripkel bylaı depti: «Kazahstan - býdet velıkoı stranoı. Razvıtoı ı mnogonasıonalnoı. Sentr Evrazıı, vsego kontınenta, nahodıtsá rádom s Almaty. V perspektıve 15-mıllıonnaıa strana stanet moshneıshım gosýdarstvom. Imperıeı. Segodná Kazahstan ochen perspektıven...» (Ádeıi túpnusqada berip otyrmyn. Q.Ǵ.).

...Sóz joq, musylman úshin kóripkelge sený – úlken kúná, óıtkeni, barlyq tirshilik, erteńiń men keleshegiń – Alla Taǵalanyń quzyrynda ǵana. Tek, «jaqsy sóz – jarym yrys» degen ata sózine súıenip, óz oıymyzdy túıindeýge tyrystyq...

...Qazaqstannan barmaqtaı baǵyn tapqan bir pende - Pavel Globa óziniń súıikti oqymystysy, nemistiń klasıkalyq pálsapasynyń atasy Immanýıl KANTtyń: «Zvezdnoe nebo nad namı ı nravstvennyı zakon vnýtrı nas» – degen qanatty sózderin qaıtalap jatqanda, Astanaǵa batyr halyqtyń basshysy, Ýkraına Prezıdenti Petr Poroshenko keldi...

Bul – kezdeısoq­tyq emes-aý...

Qajymuqan ǴABDOLLA