Aqparatty 4 qyrkúıekte Sybaılas kemqorlyqqa qarsy agenttiktiń baspasóz qyzmeti rastady.

Tergeý bılik pen laýazymdyq ókiletin asyra teris paıdalaný faktileri boıynsha júrgizilmek.

"Sybaılas jemqorlyqqa qarsy qyzmet sotqa deıingi tergep-tekserý sheńberinde Almaty oblysynyń aýdan ákimi men basqa da tulǵalardyń áreketi áshkerelengenin rastaıdy. Sottyń sanksıasymen kúdiktiler qamaýǵa alyndy. Tergeý jalǵasýda", - delingen Antıkor taratqan habarlamada.

Sondaı-aq, Qylmystyq-prosestik kodekstiń 201-babyna sáıkes, ózge aqparat taratýǵa jatpaıtyndyǵy aıtyldy.

Baǵdat Qarasaev İle aýdanynyń ákimi qyzmetin 2018 jyldyń qyrkúıeginen bastap atqarady. Buǵan deıin Almaty oblysy ákiminiń keńesshisi bolyp jumys istegen.