Astanada “QazAvtoJol”-dyń burynǵy tóraǵasy men merdiger uıymdar jetekshileriniń isi sotqa joldandy, dep habarlady Bas kólik prokýratýrasy.

Kúdiktilerge Esil ózeni arqyly kópir salýǵa, "Jaqsy-Esil – Býzýlýk" avtojolyn kúrdeli jóndeýge bólingen memlekettik qarajatty jymqyrdy degen aıyp taǵylǵan.

“Tergeý nusqasy boıynsha “QazAvtoJol” UK AQ basshylyǵy merdigerge negizsiz artyqshylyq bildirip, maqsatsyz paıdalanylǵan 200 mln teńge kóleminde avans bere otyryp, bir kózden alý tásilimen zańsyz shart jasasty. Kólik prokýratýrasy isti Astana qalasynyń sotyna joldady” delingen prokýratýra habarlamasynda.

Sáýir aıynda qarjylyq monıtorıń agenttigi ulttyq kompanıanyń eks-basshysy Asqar Muratuly bir kózden memlekettik tapsyrys ótkizý arqyly zańsyz jolmen iri kólemde qarjy jymqyrdy degen kúdikpen ustalǵanyn habarlaǵan. Ol ulttyq kompanıany 2021 jylǵy sáýirden 2022 jylǵy aqpanǵa deıin basqarǵan.