2014 jyly 11 aqpannan bastap QR Ulttyq banki teńgeniń burynǵy deńgeıin saqtap turýdan bas tartty, dep habarlaıdy banktiń baspasóz qyzmeti.

"QazAqparat" tilshisi Jasulan Joldybaevtyń habarlaýynsha,  «Ulttyq bank teńge kýrsynyń jańa baǵamy 185 AQSH dollary tóńireginde bolady dep esepteıdi. Aıyrbas baǵamynyń kúrt joǵarylaýyn deńgeılestirý saıasaty ary qaraı júrgiziledi. Teńge kýrsynyń uzaqmerzimdik trendi, Ulttyq Bank buǵan deıin habarlaǵandaı, fýndamentaldy ishki jáne syrtqy makroekonomıkalyq faktorlarǵa qatysty bolady», - delingen habarlamada.

Sonymen qatar 2014 jyldyń 11 aqpanynan bastap Qazaqstan Respýblıkasy Ulttyq Banki aıyrbas pýnktterindegi shetel valútasyn teńgege satý-satyp alý boıynsha mynadaı dálizdi engizedi: -AQSH dollaryna - 2 teńge; -Eýroǵa - 3 teńge. «Aıyrbastaý pýnkteri shetel valútalaryna bankter tarapynan da, Ulttyq bank tarapynan da jetkilikti deńgeıde qamtamasyz etiledi. Óńirlerde ornalasqan ekinshi deńgeıli bankteriniń fılıaldarynda shetel valútalarynyń jetkilikti qory saqtalǵan», delinedi habarlamada.

Ulttyq banktiń habarlaýynsha, teńgeniń devalvasıasy ulttyq valútanyń syrtqy básekege qabilettiligin joǵarylatýǵa, QR ekonomıkasynyń syrtqy taýaraınalym tepe-teńdigin saqtaýǵa jáne otandyq taýar óndirýshilerdi qoldaý úshin jasaldy».

Al, basqa aqparat kózderine súıensek, Azattyqtyń Astanadaǵy tilshisi Qazaqstandaǵy ekinshi dárejeli banktiń birinde dollarǵa qatysty "satý - 180, satyp alý - 205 teńge" dep jazylǵanyn, keıbir bankterde dollardyń quny ázirge kórsetilmegenin habarlady. Azattyq tilshisiniń aıtýynsha, keıbir valúta aıyrbastaý pýnktteri jabyq turǵanyn aıtady.

Sonymen  qatar, kópshilik  arasynda da  bul jańalyqqa  narazylar  kóp. "teńgemen jınaǵan depozıtteriniń" shyǵyny týraly ókinish bildirgen. "Facebook jelisinde teńgemen beriletin jalaqynyń dollar baǵamymen qaıta eseptelmeıtinin, dollarmen alǵan qaryzdaryn qaıtarýdyń endi qıyndaı túsetinin jazyp jatqandar bar. Bireýler "devalvasıadan keıingi ınflásıa bastalmaı turǵanda tehnıka men taýarlardy eski baǵamen alyp úlgerýge" keńes bergen.

Al, endi bireýler "Teńgemiz qunsyzdandy. Al biz "dızaıny ádemi" dep maqtanamyz" degen kekesin pikirler de  aıtqan.

Túıin. Teńge kúnnen-kúnge qunsyzdanyp  barady. Teńgeniń quny túsken saıyn,  ishki ekonomıkamyzǵa sheteldik salymdar baǵamy artyp  keledi. Bul úrdis naryq aıdynynan teńgeny ysyryp  tastaýdyń  bir amaly  bolmasa ıgi. Quny joǵalǵan teńge birte-birte "kópir aqshaǵa" aınalmasyna kim kepil?