ASTANA. QazAqparat - «Astana EKSPO-2017» Ulttyq kompanıasy» AQ Basqarmasynyń tóraǵasy Ahmetjan Esimov Almaty oblysynyń ákimi Amandyq Batalovpen kezdesti, dep habarlaıdy ákimdiktiń baspasóz qyzmetinen.
Oblystyń ákimdigi jáne «Astana EKSPO-2017» UK» AQ arasynda otandyq taýar óndirýshilerdi «Astana EKSPO-2017» Halyqaralyq mamandandyrylǵan kórmesiniń nysandaryn salýǵa qatystyrýǵa baǵyttalǵan memorandýmǵa qol qoıyldy.
«Jaqynda ǵana Elbasy atap ótkendeı, qazirgi daǵdarys 2007 jyldardaǵydan áldeqaıda kúrdelirek. Sondyqtan jańa jumys oryndaryn ǵana emes, qazirgi jumys oryndaryn saqtap qalý erekshe mańyzdy. Sondyqtan da biz osy kelisimsharttarǵa qol qoıyp jatyrmyz », - dedi Ahmetjan Esimov.
Arnaıy uıymdastyrylǵan kórmede tapsyrys berýshiler ónimniń sapasyn ózi kórip, baǵalaý múmkindigine ıe boldy.
«Ózderińizge belgili, Almaty oblysynyń áleýeti aýqymdy. EKSPO-2017» sıaqty úlken jobaǵa bizdiń taýar óndirýshilerimizdiń qatysatyndyǵyna biz qýanyshtymyz» - dedi oblys ákimi Amandyq Batalov.
«EKSPO» bas merdigerleri yqtımal jabdyqtaýshylarmen bolashaqtaǵy bıznes áriptestigin Yntymaqtastyq týraly memorandýmdar men naqty sharttarmen baıandy etti.
Kezdesý barysynda ulttyq kompanıanyń bas merdigerleri otandyq taýar óndirýshilermen 11 kelisimshartqa qol qoıdy.
Atap aıtsaq, bas merdiger AO «Sembol Inshaat» birden 4 kelisimshartqa qol qoıyp, «Plast Invest Production» JSHS, «Kompanıa Sonik» JSHS, «PolımerMetall-T» JSHS jáne «ALÚGAL» JSHS kompanıalarymen jumys isteýge kelisti.
Osyndaı kelisimder «Mabco constructions s.a.» merdigeri úsh shart- «KnaýfGıpsKapshagaı» JSHS, «Henkel Baýtehnık Kazahstan» JSHS jáne «Galaksı» JSHS kompanıalarymen jasasty. Sonymen qatar, «ABK Kurylys-1» kompanıasy«KnaýfGıpsKapshagaı» JSHS- men jáne «Jetisý Granıt» JSHS-men kelisimshartqa qol qoıdy.
«Turkuaz YDA Stroy» kompanıasy «Tabıǵı resýrstardy paıdalaný jáne tabıǵatty paıdalanýdy retteý» memlekettik mekemesimen, «SAES Sredazenergostroı» kompanıasy «ASPMK-519» aksıonerlik qoǵamymen; «SK «Bazıs» kompanıasy «Mekada» JSHS, «Tekelı-granıt» JSHS, «KnaýfGıpsKapshagaı» JSHS birge jumys isteý nıetin memorandýmda bekitti.
Sonymen qatar, «Astana EKSPO-2017» ulttyq kompanıasy» AQ Memlekettik ulttyq tabıǵı parkterimen de, atap aıtqanda «Kólsaı ózeni», «Altyn Emel», «İle Alataý» mekemelerimen, sondaı aq «Jibek joly» jáne «Asia Discovery» týroperatorlarymen memorandýmǵa qol qoıyldy
Kompanıa Qaraǵandy, Qyzylorda, Soltústik Qazaqstan, Pavlodar, Shyǵys Qazaqstan, Jambyl oblystarynyń ákimdikterimen, sonymen qatar Astana qalasynyń ákimdigimen otandyq taýar óndirýshilerdi qatystyrý týraly memorandýmdar jasap, qol qoıdy.
Derkkóz: Qazaqparat
