Alash arysy Muhametjan Tynyshbaıulynyń 1925 jyly jaryq kórgen eńbegi jazylǵanyna bir ǵasyr ótken soń alǵash ret qazaq tilinde jaryq kórdi. Ǵasyr buryn orys tilinde jazylǵan "Materıaly k ıstorıı kırgız-kazahskogo naroda" atty kitaby "Qazaq halqynyń tarıhy" dep ózgerip, AmalBooks baspasynan oqyrmanǵa jol tartty.

- Bul kitaptyń jazylǵanyna kelesi jyly bir ǵasyr bolady. Týyndynyń taǵdyry jeńil bolǵan joq. Sovet zamanynda unamaǵan soń, ony tárkilep, tipti joıyp jiberdi. 90-jyldardyń basynda Táýelsizdik alǵanǵa deıin ony baspaǵa shyǵarmady. Tek 1992 jyly orys tilinde qaıta basyldy. Túpnusqada orys tilinde shyqqan, qazaq tilinde endi ǵana jaryq kórip otyrǵan beti osy.  Qazaq oqyrmanyna ózimizge qatysty tyń derekterdi, aqtańdaqtardy joıatyn dúnıelerdi kóbirek usynýymyz kerek dep esepteımin. Ár halyq óz tarıhyn ózi jazyp, oqyǵany jón. Sovet zamanynda biz óz tarıhymyzdy bilmeı, tanymaı keldik, - deıdi AmalBooks baspasynyń negizin qalaýshy Baqytjan Buqarbaı. 

Kitaptyń qazaq tilinde shyǵýyna qoldaý kórsetken Choko holdıńiniń basshysy Ramıl Mýhorápovtyń  pikirinshe, bul kitaptyń qazaq tiline aýdarylýy elimiz ben ózimizdi tanýǵa kóp kómektesedi.