PETROPAVL. QazAqparat - Soltústikqazaqstandyqtar ǵaryshqa bizdiń ulttyń ókili, egemendi memleketimizdiń azamaty Aıdyn Aıymbetovtiń ushqanyn maqtan etedi.
«Qyryq úsh jyl buryn, 27 shilde kúni men 18 jasqa tolǵanda, qazaqtyń Aıymbetovter degen qarapaıym otbasynda Aıdyn esimdi náreste dúnıege keldi. Sonda basqalary sıaqty men de mıllıondaǵan ata-babamyzdyń armany oryndalyp, ǵaryshqa bizdiń halqymyzdyń ókili, qazirgi álemde Ult kóshbasshysy, Qazaqstan Respýblıkasynyń Tuńǵysh Prezıdenti Nursultan Nazarbaevtyń eńbekteriniń arqasynda tanymal egemendi memleketimizdiń azamaty ushatynyn shamalaı alǵan da emespin», - dedi «QazAqparat» HAA tilshisine bergen suhbatynda «Dúnıejúzilik qazaqtar qaýymdastyǵy» RQB SQOF jetekshisi Saǵyndyq Salmurzın.

S.Salmurzınniń aıtýynsha, qazaq ǵaryshkerleriniń úshinshi kezeginiń máni bar, sebebi «Er kezegi - úsh ret!» demekshi, qazaq dástúrinde el batyrlary áskerı is-qımyldardy tańdaýda úshtik júıeni saqtaǵan. Ǵaryshty ıgerý tańdaýy Aıdyn Aqanuly Aıymbetovke tústi. Ol ushý múmkindigin kútip, ǵylymı tapsyrmany abyroımen atqaryp oraldy, ǵaryshtan Qazaqstan Respýblıkasy men Qazaqstan halqy Assambleıasynyń týlaryn ákeldi.

«Sondaı-aq Qazaq handyǵynyń 550 jyldyǵyn toılaý bul tarıhı oqıǵamen tuspa-tus kelgeniniń máni bar, bul ata-babalarymyzdyń batyrlyǵy men osy kúnge deıin saqtalǵan genetıkalyq sabaqtastyqty rastaıdy. Orta júz dıalektilerinde Aıdyn esiminiń máni abyroı, erlik, batyldyq dep aıdarylatyn «aıbyn» jáne «qahar» sózderine jaqyn, sondyqtan onyń egemendi jáne táýelsiz elimizdiń joǵary nagradasy - «Halyq qaharmany» ataǵyna ıe bolǵany kezdeısoq emes», - dep qosyp ótti «Dúnıejúzilik qazaqtar qaýymdastyǵy» RQB SQOF basshysy.

Derekkóz: qazAqparat