Qostanaı oblysy Jitiqara aýdandyq sotynda 5 balasy órtenip ketken anaǵa qatysty qylmystyq is qaraldy. 

Aýdandyq sotta Qylmystyq kodekstiń “Abaısyzda 5 balanyń ólimine ákep soqtyrǵan órt qaýipsizdigi talaptaryn buzý” baby boıynsha aıyptalýshyǵa qatysty qylmystyq is qaraldy. 

"Sottalýshy balalaryn qaraýsyz qaldyryp, úlken ulyna úıdiń ishi salqyndaǵan jaǵdaıda peshke ot salýdy tapsyrǵan. Uly peshte otyn, kómir jáne turmystyq qoqystardy jaǵady, sondaı-aq pesh janynda belgisiz suıyqtyqpen jatqan plasıkalyq bótelkeni otqa salady. Nátıjesinde peshtegi jalynnyń janyp, órtke aınalýyna sebep boldy. Órt saldarynan bes bala qaıtys boldy. Sottalýshynyń kinási onyń moıyndaý aıǵaqtarymen, kýágerlerdiń aıǵaqtarymen, oqıǵa bolǵan jerdi tekserý hattamasymen jáne sot saraptamalarynyń qorytyndylarymen dáleldendi", — delingen Jetiqara aýdandyq sotynyń habarlamasynda. 

Sottalýshy óz kinásin tolyq moıyndap, istegen isine ókinish bildirip, bas bostandyǵynan aıyrmaýdy ótingen.

Sot sheshimimen aıyptalýshyǵa 5 jylǵa bas bostandyǵynan aıyrý jazasy taǵaıyndaldy. Áıeldiń jas balasynyń bolýyna baılanysty jazany oryndaý keıinge qaldyryldy. 

Úkim zańdy kúshine engen joq.