QYZYLORDA. QazAqparat - Búgin Qazaly aýdanynyń ortalyǵy Áıteke bı kenti kógildir otynǵa qosyldy, dep habarlady aýdandyq ákimdiktiń baspasóz qyzmetinen.
40 myńnan astam turǵyny bar kenttegi sharaǵa Qyzylorda oblysynyń ákimi Qyrymbek Kósherbaev jáne «QazTransGazAımaq» AQ bas dırektorynyń birinshi orynbasary Ǵalym Aıdosov qatysty.
Qyzylorda oblysy ákimdigi men "QazTransGaz" AQ arasynda byltyr jasalǵan memorandýmǵa sáıkes, Jańaqorǵan, Shıeli, Qazaly jáne Aral aýdandary men Baıqońyr qalasyn gazdandyrýǵa qajetti qarajat bólingen. Al, oblystyń qalǵan aýdandary kelesi jyly gazben qamtylatyn bolady.
-Aldymen barshańyzǵa Elbasynyń ystyq sálemin jetkizeıin. Eki kúndik jumys saparymen bolǵan Memleket basshysy aımaqta atqarylyp jatqan jumystarǵa joǵary baǵasyn berdi. Bul oblys halqynyń jumyla jumys jasaýynyń nátıjesi. Osyndaı ıgi sharanyń birine búgin taǵy kýá bolyp otyrmyz. Ótken aptalarda Jańaqorǵan men Shıeli aýdany kógildir otynǵa qosyldy. Keler jyly qalǵan úsh aýdanda gazdandyrý jumysy bastalady. Sol kezde oblys halqynyń 83 paıyzy kógildir otynǵa qol jetkizedi, - dedi oblys ákimi Q.Kósherbaev.
- Júzege asyrylyp jatqan ınvestısıalyq joba aıasynda bir ǵana Qyzylorda oblysynda bıyl 1250 km gaz qubyry salyndy. «QazTransGaz» áleýmettik jaýapkershilikti joǵary qoıatyn kompanıa. İstep otyrǵan jumysymyz túgeldeı halyqtyń turmysyn jaqsartýǵa elimizdiń ál-aýqatyn arttyrýǵa baǵyttalǵan, - dedi «QazTransGazAımaq» AQ bas dırektorynyń birinshi orynbasaryǴalymAıdosov.
Áıteke bı kentinde búgin úıine alǵash bolyp kógildir otyndy kirgizgen Qusanovtar otbasy. Olardyń qýanyshynda shek joq. Talaı jylǵy armandary oryndalǵanyna rıza.
- Buryn úıde ot jaǵyp, áýrege túsetinbiz. Satyp alatyn kómirimizge de kóp qarjy jumsadyq. Endi bul qıynshylyqtar artta qaldy, - deıdi aýdan turǵynyÚrpatsha Aımaǵambetova.
Derekkóz: QazAqparat
