ASTANA. QazAqparat - Qostanaı oblysynda dándi daqyldardy jınaý aıaqtaldy, dep habarlaıdy oblys ákimdiginiń baspasóz qyzmetinen. 
Kúrdeli aýa raıy jaǵdaılaryna karamastan, oblystyń eginshileri 4 018 myń ga alqaptan 5 mln. tonna astyq jınaı otyryp, eldiń azyq-túlik qaýipsizdigin qamtamasyz etýge eleýli úles qosty, oblys boıynsha eginniń ortasha ónimdiligi 12,4 s/ga qurady.

Fedorov aýdany (16,8s/ga,) Mendiqara, Sarykól jáne Uzynkól aýdandary (15,8s/ga) sharýashylyqtarynda egin ónimdiligi neǵurlym kóbirek boldy.
Egin oraǵy naýqanyna dán jınaıtyn 12 myń kombaın, 3 myńnan astam destelegish, 8,6 myń júk avtomobıli, 18,6 myń traktor tirkemesi jáne basqa da tehnıka iske qosyldy.

Bıylǵy jyly oblys agrarshylary ótken jyldardyń tájirıbesin eskere otyryp 4,5 mlrd. teńgeden astam somaǵa qosymsha 259 traktor, 131 kombaın, 160 destelegish, 15 dán keptirgish jáne basqa da kóptegen aýylsharýashylyq tehnıkasyn satyp aldy.

Sondaı-aq soltústik óńirlerdiń sharýshylyqtaryna kómek kórsetý úshin egin jınaýdy aıaqtaǵan ońtústik aýdandardan 200 kombaın ákelindi. 

Jınalǵan dándi saqtaý úshin jalpy syıymdylyǵy 7,0 mln. tonna elevatorlyq saqtaý oryndary men aýylsharýashylyq qurylymdarynyń astyq qoımalary ýaqtyly daıyndaldy.

Qazirgi ýaqytta oblystyń elevatorlaryna 1 mln. 391 myń tonna jańa astyq, sonyń ishinde 1 mln. 208 myń tonna bıdaı tústi, onyń 703 myń tonnasy nemese 58%-y 3 klasqa, 479 myń tonnasy nemese 40%-y 4-5 klasqa jatady. 

Aldaǵy jylǵy egiske 548 myń tonna tukym daıyndaldy.

Kartop jınaý da aıaqtaldy. 3312 ga alqaptan 57 myń tonnadan astam kartop jınaldy, ortasha ónimdiligi -173 s/ga qurady.

Derekkóz: Qazaqparat