Kólik mınıstrligi áýejaılarda shekaralyq baqylaýdan ótý rásimin jolaýshylar úshin jaılyraq etetin buıryq jobasyn jarıalady.

Tıisti buıryq jobasy el áýejaılarynda pasporttyq baqylaýdyń avtomattandyrylǵan júıesin qamtamasyz etý maqsatynda ázirlengen.

Qujatqa sáıkes, shekaralyq baqylaýdan ótýdiń qarapaıymdylyǵy men jyldamdyǵyn qamtamasyz etý úshin:

• Jolaýshylardyń ushý/qoný prosedýralaryn ótý ýaqytyn retteıtin jáne Shekara qyzmetimen kelisilgen áýejaı standarty bolýy qajet;
• Prosedýralardy ótý talaptary týraly jolaýshylarǵa qoljetimdi aqparat bolýy qajet;
• Pasporttyq baqylaýda jolaýshylarǵa qyzmet kórsetý jyldamdyǵynyń Shekara qyzmetimen kelisilgen standarttary jáne olardyń oryndalýyn baqylaý bolýy qajet;
• Jylyna 1 mıllıonnan astam jolaýshyny qabyldaıtyn áýejaılarda pasporttyq baqylaýdyń avtomattandyrylǵan júıesiniń bolýy qajet (áýejaı operatorynyń mindeti).

Sonymen qatar, qujatqa sáıkes, shekaralyq baqylaý qyzmeti personalynyń sypaıylyǵy men sálemdesýi tómendegilerdi qamtamasyz etýi tıis:

• Jolaýshylar aǵynyna baılanysty jáne ótkizý aımaǵynyń ótkizý qabiletin jedel arttyrý múmkindigine qaraı shekaralyq baqylaý qyzmeti personalynyń táýliktik jumys kestesiniń bolýy jáne onyń áýejaımen kelisilip bekitilýi;
• Qyzmet personalynyń syrtqy kelbetine qoıylatyn talaptardyń standartynyń bolýy jáne onyń oryndalýyn baqylaý.

Joba "Ashyq NQA" portalynda ornalastyrylǵan jáne 31 qańtarǵa deıin kópshilik talqylaýyna ashyq.