QR Mádenıet jáne aqparat mınıstriniń buıryǵymen saraptamalyq top qurý, sondaı-aq balaǵa qatysty kıberbýllıng faktileri boıynsha ótinishti qaraý qaǵıdalary bekitildi.
Saraptama toby balaǵa qatysty mass-medıa jáne onlaın-platformalardy paıdalana otyryp jasalǵan kıberbýllıng faktileri boıynsha ótinishterdi qaraý maqsatynda ýákiletti organnyń janynan qurylady.
Saraptama tobynyń tóraǵasy, tóraǵasynyń orynbasary jáne músheleri ýákiletti organnyń, balanyń quqyqtaryn qorǵaý salasyndaǵy ýákiletti organnyń, qoǵamdyq uıymdardyń ókilderi qatarynan ýákiletti organnyń buıryǵymen aıqyndalady.
Óz qyzmetin júzege asyrý kezinde saraptama toby balaǵa qatysty kıberbýllıng faktileri boıynsha ótinishterdi qaraıtyn saraptama tobynyń qyzmeti máseleleri boıynsha memlekettik organdarmen jáne uıymdarmen ózara is-qımyl jasaıdy.
Ýákiletti organnyń atyna jazbasha nysanda nemese elektrondyq sıfrlyq qoltańba arqyly kýálandyrylǵan elektrondyq qujat nysanynda usynylǵan azamattyń ne balanyń zańdy ókiliniń ótinishi balaǵa qatysty kıberbýllıng faktisi týraly ótinishti qaraý úshin negiz bolyp tabylady.
Balaǵa qatysty kıberbýllıng faktileri boıynsha ótinishti saraptama toby ýákiletti organǵa kelip túsken kúnnen bastap úsh jumys kúni ishinde qaraıdy.
Ótinishti qaraý merzimi saraptama toby tóraǵasynyń nemese onyń orynbasarynyń ýájdi sheshimimen, ótinishti durys qaraý úshin mańyzy bar qajetti aqparatty talap etýge baılanysty kúntizbelik on bes kúnnen aspaıtyn ýaqytqa deıin uzartylýy múmkin, bul týraly qaraý merzimi uzartylǵan kúnnen bastap eki jumys kúni ishinde ótinish berýshige nemese onyń ókiline habarlanady.
Balaǵa qatysty kıberbýllıng faktisi rastalǵan jaǵdaıda ýákiletti organ saraptama tobynyń sheshimi negizinde balaǵa qatysty kıberbýllıng dep tanylǵan aqparatty joıý jónindegi nusqamany mass-medıa jáne onlaın-platformalar menshik ıesine jáne (nemese) zańdy ókiline jiberedi.
Ótinishti qaraý nátıjeleri boıynsha ýákiletti organ ótinish berýshige nemese onyń ókiline negizdelgen jáne ýájdelgen jaýapty memlekettik tilde nemese ótinish berilgen tilde joldaıdy.
Eger balaǵa qatysty kıberbýllıng faktisi rastalmaǵan jaǵdaıda, ýákiletti organ ótinish berýshige nemese onyń ókiline Qazaqstan Respýblıkasynyń Ákimshilik rásimdik-prosestik kodeksinde sáıkes jaýap joldaıdy.
Pikir qaldyrý