Qazaqstanda memlekettik qyzmet isteri agenttiginiń bastamasymen arnaıy joǵary bilimi joq memlekettik qyzmetkerlerge saıası qyzmetker ornalasýǵa ruqsat berilýi múmkin. 

Joǵary bilimi joq memlekettik qyzmetkerlerge saıası qyzmetker ornalasýǵa ruqsat berý týraly zań jobasy qoǵamdyq talqyǵa shyǵaryldy. Mundaı zań jobasynyń usynylý sebebi – endi dıplomǵa emes, tek tájirıbege nazar aýdarý. Atalmysh zań jobasy kúshine ense, ásirese aýyldyq jerlerde maman tapshylyǵy máselesin sheshedi degen boljam bar.

“Bizge tájirıbeni, óndiris pen sharýashylyq máselelerin oqýlyqtan oqyp emes, ómirde kórip, túsingen sharýa adamy kerek. Al joǵary bilim bar adamdardyń bárinde mundaı tájirıbe joq”, – deıdi májilis depýtaty Irına Smırnova.

Basshylyq laýazymdardy qospaǵanda, birinshi sanattaǵy "A" korpýsynyń memlekettik ákimshilik laýazymdary úshin salada keminde 14 jyl jumys ótili bar adamnan mamandandyrylǵan joǵary bilim týraly dıplom talap etilmeıdi. Ekinshi sanat úshin – keminde 13 jyl tájirıbesi bolýy kerek. 

“Qazir memlekettik qyzmettegi aılyq aıtarlyqtaı kóp emes. Al joǵary bilimi bar adamdardyń basym bóligi mundaı jalaqyǵa jumys istegisi kelmeıdi. Ekinshiden, memlekettik qyzmetke 15-20 jyl jumys ótili bar mamandardy alsaq, mal sharýashylyǵy salasynda kórsetiletin qyzmet sapasy men tehnıkalyq jaǵy jaqsarady”, – deıdi Memlekettik qyzmet isteri agenttiginiń Qaraǵandy ​​oblysy boıynsha Ádep jónindegi keńesiniń múshesi Rýslan Tanıshpekov.