Almaty qalasy prokýratýrasynyń úılestirýimen Polısıa departamenti bir fırma basshylaryna qatysty azamattardyń ujymdyq joldanymy boıynsha bastalǵan qylmystyq isti tergep-tekserýdi aıaqtady.

Kompanıa basshylyǵy turǵyn úı keshenderiniń qurylysyna ruqsat qujattarynsyz jáne úleskerlerdiń qarajatyn tartý quqyǵynsyz 2022-2023 jyldar aralyǵynda úsh turǵyn úı keshenindegi páterlerdi satý syltaýymen azamattardyń aqshasyn aldaý jolymen jymqyrǵany anyqtaldy.

Atalǵan is boıynsha 312 adam jábirlenýshi dep tanylyp, jalpy shyǵyn 2,5 mlrd teńgeden asqan. Jaýapkershiligi shekteýli seriktestiktiń tórt basshysy ustalyp, qazirgi tańda qamaýda otyr, - delingen prokýratýra habarlamasynda.

Tergep-tekserý aıasynda jábirlenýshilerdiń quqyqtaryn qalpyna keltirý qamtamasyz etildi, al qylmystyq is máni boıynsha qaraý úshin sotqa joldandy.

Almaty qalasynyń prokýratýrasy azamattarǵa qurylys kompanıalarymen kelisimshartqa túsýdiń aldynda muqıat tekserip, tek resmı qujattar negizinde ǵana qarajat salý qajettigin eskertedi.