Vashıngtonda ótken ınaýgýrasıada Donald Tramp resmı túrde AQSH-tyń 47-prezıdenti retinde qyzmetine kiristi.

Sonymen qatar vıse-prezıdent laýazymyna Djeıms Devıd Vens taǵaıyndaldy. Inaýgýrasıaǵa burynǵy prezıdent Djo Baıden qatysty. Eske salaıyq, Tramp tórt jyl buryn Baıdenniń ınaýgýrasıasyna qatysýdan bas tartqan edi.

Donald Tramp prezıdent retinde qyzmetke kiriskennen keıin Baıdenniń sheshimin joıatyn birneshe jarlyqqa qol qoıýǵa nıetti.

Ol AQSH-Meksıka shekarasynda "tótenshe jaǵdaı" jarıalaýy, Aláskadaǵy munaı men gaz óndirýge tyıymdy alyp tastaýy jáne federaldy úkimette ártúrlilik, teńdik jáne ınklúzıa qaǵıdalaryn engizýden bas tartýy múmkin.

Kapıtolıı ǵımaratyna kelgen Tramp Konstıtýsıany qorǵaýǵa jáne halyq múddesine qyzmet etýge saltanatty túrde ant berdi. Ol óz sózinde: «Men AQSH prezıdentiniń mindetterin adal oryndaýǵa jáne bar kúsh-jigerimmen Konstıtýsıany qoldaýǵa, qorǵaýǵa jáne saqtaýǵa ant etemin» dep atap ótti.