Prezıdent Toqaevtyń sózinshe, týrızm ekonomıkanyń ósýine jańasha serpin beretin sala bolýy qajet. 

"Bul baǵytta biz artta qalyp baramyz, jumys mardymsyz júrip jatyr. Elimizdiń ár aımaǵynda kórikti jerler bar. Shetelden jáne el ishinen kelgen týrıser bizdiń qaıtalanbas qoryqtarymyzdy aralap kórgisi keledi. Biraq belsendi jáne aýqymdy týrızmdi damytý úshin jaǵdaıymyz jetkilikti emes", - dedi ol Úkimettiń keńeıtilgen otyrysynda.

Memleket basshysy sol sebepti jeke ınvestorlardy da tarta otyryp, qajetti ınfraqurylym salý jumysyn dereý bastaý qajet ekenin aıtty.

"Týrızm salasynyń ınvestısıalyq áleýetin kúsheıtýge arnalǵan kez kelgen bastamaǵa qarsy shyǵatyn adamdardyń jeteginde ketpeý kerek. Mańǵystaýda áıgili Bozjyraǵa baılanysty sondaı jaǵdaı bolǵanyn bilesizder. Úkimet pen jergilikti mekeme ókilderi iskerlik ahýaldy jaqsartý úshin neǵurlym batyl sharalar qabyldaýǵa tıis. Men ekonomıkaǵa ınvestısıa tartý máselesin bekerden-beker basty orynǵa qoıyp otyrǵan joqpyn. Munyń da strategıalyq mańyzy zor. Ekonomıkamyzdyń bolashaǵy men elimizdiń álem kartasyndaǵy orny, eń aldymen, osyǵan baılanysty", - dedi Toqaev.