«Qazaq hám qaraqalpaq fólklorynyń uqsastyq belgileri» taqyrybynda ashyq dáris sabaǵy ótti

/uploads/thumbnail/20250214113417003_big.webp

2025 jyldyń 12 aqpanynda ál-Farabı atyndaǵy QazUÝ-dyń fılologıa fakúltetinde qazaq ádebıeti jáne ádebıet teorıasy kafedrasynyń uıymdastyrýymen «Qazaq hám qaraqalpaq fólklorynyń uqsastyq belgileri» taqyrybynda ashyq dáris sabaǵy ótti. Dáristi Qaraqalpaqstan respýblıkasynan arnaıy kelgen Nýkýs memlekettik pedagogıkalyq ınstıtýtynyń dosenti, fılologıa ǵylymdarynyń kandıdaty Kazakbaev Sarsen Seıılbekovıch júrgizdi. Qazaq ádebıeti jáne ádebıet teorıasy kafedrasynyń meńgerýshisi, f.ǵ.d., profesor Alýa Berikbaıqyzy Temirbolat dáris basynda qadirli qonaqqa alǵysyn bildirip, kirispe sóz sóıledi. Sondaı-aq dáriske f.ǵ.d., profesor Zufar Seıitjanov, f.ǵ.k. Serikbaı Qosanov, qazaq ádebıeti jáne ádebıet teorıasy kafedrasynyń dosent m.a., PhD doktory Gúlnaz Daýtova qatysty.

Dáriste Sarsen Seıılbekovıch qazaq jáne qaraqalpaq fólklorynyń uqsastyqtary, «Qobylandy batyr» jyrynyń nusqalary, fólklor janrlary men olardyń erekshelikteri, ǵuryptyq fólklor túrleriniń ózara uqsastyqtary, aıtys óneriniń ereksheligi, batyrlyq jyrlarynyń qazaq jáne qaraqalpaq tilindegi nusqalary týraly mol aqparat berdi. Ashyq dáris sabaǵyna qatysqan «6B02305 – Qazaq fılologıasy» mamandaǵynyń 2 kýrs stýdentteri taqyryp aıasynda suraqtar qoıdy, dárisker tarapynan tolyq ári tushymdy jaýap berildi.

Dáristi uıymdastyrý jumystaryna «8D02304 – Ádebıettaný» mamandyǵynyń 1 kýrs doktoranttary: Kenjeqojaeva Alma, Serikjanova Marjan, Toıbazar Aıajan, Manapbaeva Juldyz, Turdáli Talǵat, Mýjıgova Gýlnazıra atsalysty. Dáris sońynda stýdentter men issharaǵa qatysýshylar Sarsen Seıılbekovıchke jyly lebiz bildirdi, dáris qonaqtary qorytyndy sóz sóıledi. Mundaı ashyq dáris sabaqtary stýdentterdiń teorıalyq bilimin keńeıtip, jańa izdenisterge bastary anyq.

 

Qazaq ádebıeti jáne ádebıet teorıasy

kafedrasynyń dosent m.a., PhD doktory Gúlnaz Daýtova

«8D02304 – Ádebıettaný» mamandyǵynyń 1 kýrs doktoranttary

Alma Kenjeqojaeva, Gýlnazıra Mýjıgova

Qatysty tegter :

Pikir qaldyrý

Qatysty Maqalalar