2014 jyly qurylǵannan bastap ol Ulttyq Banktiń qaramaǵynda jumys istedi. 2020 jyldan bastap Komısıanyń jumys organy Joǵary aýdıtorlyq palata boldy.

Qazirgi ýaqytta Memleket basshysynyń tapsyrmalaryn oryndaý maqsatynda Komısıanyń qyzmeti jańartylǵan formatta jáne jańa qurammen jalǵasady. Uzaq úzilisten keıin bıyl 21 aqpanda Álıhan Smaıylovtyń tóraǵalyǵymen Joǵary aýdıtorlyq palatada Komısıanyń otyrysy ótti.

Otyrys barysynda Komısıa tóraǵasy Álıhan Smaıylov Ulttyq qor qarajatyn jumsaýdyń zańdylyǵy men tıimdiligine monıtorıń júrgizý tásilderi ózektendiriletinin atap ótti.

• Komısıanyń jumysyn qaıta bastaýymyz kerek. Vedomstvoaralyq is-qımyl men Ulttyq qor qarajatynyń tıimdi jáne maqsatty paıdalanylýyn baqylaý úshin jaýapkershilik aımaqtaryn naqty aıqyndaý qajet, - dedi Álıhan Smaıylov.        

"Ulttyq qor – balalarǵa" baǵdarlamasyna baılanysty da jurtshylyqtyń Ulttyq qordy utymdy paıdalanýǵa nazary kúsheıýde.

Ulttyq qordan alynatyn transfertterden ekonomıkalyq qaıtarym bolýy qajet. Ulttyq qor memlekettik mańyzdy emes mindetterge paıdalanylmaýy tıis. Memleket basshysy osyndaı mindet qoıdy, - deıdi Joǵary aýdıtorlyq palata tóraǵasy.

Álıhan Smaıylov aldaǵy kezeńge arnalǵan mindetterdi atady:

- Ulttyq qordan ekonomıkany jeńildetilgen sharttarmen qoldaýǵa bólingen qarajatqa tekserý júrgizý;

- Ulttyq qor qarajatyn neǵurlym basym baǵyttarǵa qaıta bólý nemese olardy qaıtarý jóninde usynystar berý.