Halyqaralyq áıelder kúni qarsańynda kópbalaly analar men otbasylarǵa, onyń ishinde az qamtylǵandarǵa birjolǵy áleýmettik tólem tólenedi.

   Áleýmettik kómek mólsheri 2,5 aılyq eseptik kórsetkishti (AEK), ıaǵnı – 9 830 teńge. Bul tólemdi shamamen 36 myń azamatsha alady dep josparlanýda. Tólemder "Azamattarǵa arnalǵan úkimet" memlekettik korporasıasy" komersıalyq emes aksıonerlik qoǵamynyń Áleýmettik tólemder ortalyǵynyń tizimderi negizinde júrgiziledi. Oǵan Astana qalasynda tirkelgen jáne turaqty turatyn kópbalaly otbasylar men analar, sonyń ishinde az qamtylǵan analar kiredi.

  Aıta ketý kerek, bul kómek Astana qalasy máslıhatynyń 2023 jylǵy 3 qazandaǵy № 84/10-VIII sheshimimen bekitilgen "Astana qalasynda áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaý qaǵıdasyna" sáıkes júzege asyrylýda.