Ýkraına prezıdenti Vladımır Zelenskıı eger álem Ýkraınaǵa beıbitshilik kún bolatynyna kepildik berse, taqtan bas tartýǵa daıyn ekenin málimdedi.

Deutsche Welle Telergam-arnasy taratqan aqparatqa sáıkes, bul týraly el basshysy Kıevte ótken baspasóz konferensıasynda aıtqan.

Bılikte ondaǵan jyldar boıy otyratyn oıym joq, - dep atap ótti Zelenskıı.

Ýkraına kóshbasshysy sondaı-aq Vashıngtonnyń sırek kezdesetin resýrstar týraly kelisimshart jasasý talaptaryn, Kıevtiń AQSH-qa 500 mlrd dollar ekvıvalent tóleý mindettemesine toqtaldy.

Seriktesterime degen qurmetpen biz 500 mlrd dollar qaryzdy moıyndamaımyz, - dep kesip aıtty Zelenskıı,

Sondaı-aq ol Kıevtiń derekterine sáıkes, sóz tek 100 mlrd dollar kómek týraly bolyp otyrǵanyn meńzedi.

Odan bólek, AQSH-tyń burynǵy prezıdenti Djo Baıdenmen kelisimshartqa sáıkes, Ýkraınaǵa berilgen kómek qaryz emes, grant retinde joǵaryda atalǵan mólsherde usynylǵan.