Bas áskerı prokýrordyń birinshi orynbasary ádilet polkovnıgi Maqsat Qazıev sarbazdardyń ólimine qatysty pikir bildirdi.

Jýrnalıs brıfıńte "Sońǵy úsh jylda 270 sarbaz áskerde qaza tapqan. Bul sıfrlar qaıdan alyndy jáne kimder?" dep saýal qoıdy.

Iá, shynymen bul sıfr 2023 jyly sáýir aıynda Parlament qabyrǵasynda aıtyldy. Statısıkaǵa súıensek, onda 2020 jyly – 78 áskerı qyzmetshi, 2021 jyly – 96 áskerı qyzmetshi, 2022 jyly – 85 áskerı qyzmetshi qaza boldy. Olardyń ishinde 91 áskerı qyzmetshi qyzmet barysynda qaza tapqan, al qalǵan 179 áskerı qyzmetshi qyzmetten tys ýaqytta kóz jumǵan, bul jalpy sanynyń 66 paıyzy, - deıdi Qazıev OKQ ótken brıfıńte.

Spıker qyzmetten tys ýaqytta qaza tapqandardyń negizgi sebepterine toqtaldy. Sózinshe, olardyń 36 paıyzy aýrýdan kóz jumǵan.

Qyzmetten tys ýaqytta jol-kólik oqıǵalary bolǵan. Onymen qosa, 56 sarbaz óz-ózine qol salǵan, - dedi ol.