Jambyl oblysynda balalar jappaı ýlandy. 17 naýryzda Merki aýdandyq ortalyq aýrýhanasynyń juqpaly aýrýlar bólimine Merki aýyly Oıtal ýchaskesi "Nuraı" bóbekjaı baqshasynyń 10 tárbıelenýshisi jetkizilgen. 

Onyń ishinde 9 jaǵdaı jiti ishek ınfeksıasy, 1 jaǵdaı enterovırýsty ınfeksıa dıagnozymen tirkelgen.

"1 bala jansaqtaý bólimine aýystyrylǵan, jaǵdaıy birqalypty (oń nátıjeler baıqalady)", - delingen habarlamada.

Osyǵan baılanysty oblys ákimi Erbol Qarashókeevtiń tapsyrmasyna sáıkes jumysshy top qurylyp, ár balanyń jaǵdaıymen tanysyp, jaǵdaı zerdelenip jatyr. Aýrýdyń neden shyqqany anyqtalyp jatyr. 

"Qazirgi ýaqytta aýrýhanada qosymsha tósek orny qajetilikke baılanysty daıyn. Dári-dármek qory jetkilikti.

Búgingi kúnge Merki aýdandyq sanıtarıalyq-epıdemıologıalyq baqylaý basqarmasymen tekserý jumystary bastalyp, barlyq synamalar alynǵan, qorytyndysy kútiledi", - delingen óńir ákimdigi málimetinde.