Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń kezekti otyrysy ótti, - dep habarlaıdy Aqorda.

Jıynda Ulttyq qaýipsizdik strategıasyn júzege asyrý úshin qabyldanǵan Ulttyq qaýipsizdik táýekelderin basqarý jónindegi 2021-2025 jyldarǵa arnalǵan is-qımyl josparyna saı byltyrǵy atqarylǵan jumystardyń nátıjeleri qarastyryldy.

Úkimet pen birqatar salalyq memlekettik organnyń basshylary negizgi kórsetkishterdiń oryndalýy týraly málimet berdi. Keńes otyrysynda áli de pysyqtaýdy qajet etetin, sonyń ishinde qoǵamdyq, ekonomıkalyq, ekologıalyq jáne aqparattyq qaýipsizdik baǵytyndaǵy máseleler talqylandy.

Prezıdent Ulttyq qaýipsizdik strategıasynyń iske asyrylýy naqty nátıjelermen baǵalanýǵa tıis ekenine nazar aýdardy. Onyń qoǵam úshin mańyzy zor. Bul rette barlyq salany damytý barysynda azamattar men memlekettiń qaýipsizdik faktory eskerilýge tıis.

Sonymen qatar jıynda terorızmge jáne ekstremızmge qarsy kúrestiń ózekti máseleleri qarastyryldy.

Ulttyq qaýipsizdik komıtetiniń tóraǵasy Ermek Saǵymbaev terorıstik jáne ekstremıstik áreketterdiń qaýpin azaıtý, sondaı-aq terorızmge qarsy qorǵanysty kúsheıtý úshin qabyldanyp jatqan sharalar jóninde baıandady.

Otyrys qorytyndysy boıynsha memlekettik organdarǵa naqty tapsyrma berildi.