TOP PRO CINEMA” prodúserlik ortalyǵynyń bas dırektory Aleksandr Aksútıs úkimet basshysyna qazaqstandyq fılmderdiń prokatta qansha aqsha jınaǵanyn baıandady.

Onyń aıtýynsha, otandyq fılmder sany 2023 jyly 65-ten 2024 jyly 107-ge deıin kóbeıgen. Olardyń jalpy tabysy 22 mlrd teńge. Kınoteatrlarda eń kóp aqsha tapqan úzdik 20 kınotýyndynyń 70 paıyzy otandyq fılmder.

"Eń mańyzdysy – qazaqstandyqtardyń ulttyq kınoǵa degen qyzyǵýshylyǵy artyp keledi. Osynyń arqasynda salaǵa ınvestorlar kelip jatyr. Konkýrstarǵa ashyqtyq buǵan muryndyq boldy", deıdi Aksútıs. 

Sondaı-au ol eldegi suranys úlken bolǵanymen, ony qanaǵattandyrý qıynǵa aınalǵanyn aıtyp ótti. Senarıst, prodússer, operator, grımerlerge deıin jetispeıdi. “Indýstrıany qoldaýdy suraımyz” deıdi ol.

Bektenov óz tarapynan ındýstrıaǵa qoldaý bolatynyn málim etti. Onyń aıtýynsha, salada úlken áleýet bar.