Bul ımıjdik joba ekinshi jyl qatarynan uıymdastyrylyp keledi. Atalmysh is-shara sheteldikterdiń qazaq mádenıetine degen qyzyǵýshylyǵyn damytýǵa yqpal etýde. Baldyń dástúrli qonaqtary – dıplomatıalyq korpýs ókilderi, halyqaralyq uıymdar men kompanıalardyń basshylary. İs-sharanyń uıymdastyrýshysy – QR Mádenıet jáne aqparat mınıstrligi.

Naýryz – jańarý, birlik pen berekeni bildiretin ulttyq meıram. Sondyqtan bul dıplomatıalyq korpýs ókilderine Qazaqstannyń baı mádenı murasyn tanystyrý úshin taptyrmas múmkindik. Keshtiń sánin elordadaǵy úzdik shyǵarmashylyq ujymdar men ónerpazdar keltirdi. Baǵdarlamanyń basym bóligi fólklorlyq jáne etnıkalyq nómirlerden turdy.

«Naýryz bal» jobasy mádenı baılanystardy nyǵaıtýǵa jáne Qazaqstandaǵy halyqaralyq yntymaqtastyqty damytýǵa baǵyttalǵan. Qazirgi álemde mádenı dıplomatıa eldiń jaǵymdy ımıjin qalyptastyrýda mańyzdy ról atqarady, sondyqtan mundaı is-sharalardy ótkizý qoǵamdyq jáne memlekettik saıasattyń ajyramas bóligine aınaldy.

ℹ️QR Mádenıet jáne aqparat mınıstrliginiń baspasóz qyzmeti