Búgin, 2025 jylǵy 22 sáýirde Túrkimenstan Halyq máslıhatynyń tóraǵasy Gýrbangýly Berdimuhamedovtyń Qazaqstanǵa eki kúndik sapary aıaqtaldy. Berdimuhamedovti Túrkistan áýejaıynda Qasym-Jomart Toqaev shyǵaryp saldy.

Oqıǵa ornynan túsirilgen saltanatty sýretterdi Aqordanyń baspasóz qyzmetiniń Telegram arnasy jarıalady.

"Prezıdent Qasym-Jomart Toqaev Túrikmenstan Halk Maslahatynyń Tóraǵasy Gýrbangýly Berdimuhamedovti Túrkistan áýejaıynan shyǵaryp saldy", – dep jazylǵan resmı aqparatta. 

Gýrbangýly Berdimuhamedov Túrkistanǵa 2025 jyldyń 21 sáýirinde keldi. Mártebeli meımandy Túrkistan áýejaıynda Qasym-Jomart Toqaev kútip aldy. Odan keıin olar Qoja Ahmet Iasaýı kesenesin, Etnoaýyl keshenin jáne Túrkistan zıarat ortalyǵyn aralady.

22 sáýirde Toqaev Berdimuhamedovpen beıresmı kezdesý ótkizdi. Keıin olar SPK Turkistan ındýstrıaldy parkinde boldy.