Premer-mınıstr Oljas Bektenov Qaraǵandy oblysyna jasaǵan jumys sapary barysynda monoqalalardy damytý máseleleri jónindegi respýblıkalyq keńes ótkizdi. Jıynda Memleket basshysynyń tapsyrmasyna sáıkes monoqalalardy damytýdyń jańa tásilderi qaraldy. Keńeste Ekibastuz qalasynyń monoqala mártebesinen aıyrylýy múmkin ekeni aıtyldy.

"Qazirgi ýaqytta Ekibastuzdyń ekonomıkalyq qurylymy ártaraptanyp, ol kópsalaly qalaǵa aınalyp keledi. Osyǵan baılanysty, qala úshin monoqala mártebesi ózekti emes bolyp qalýda", – dedi Úkimet basshysy.

Premer-mınıstr ınfraqurylymdyq saıasatty jańartý jáne jetildirý baǵytyndaǵy jumysty kúsheıtýdi tapsyrdy. Onyń aıtýynsha, monoqalalardy damytýdaǵy basty mindet – jeke ınvestısıa tartý.

"Iá, biz ár qalada aýrýhana, mektep, stadıon jáne ózge de áleýmettik nysandar sala alamyz. Biraq eger jumyspen qamtý bolmasa, adamdar sol jerde turǵysy kelmeıdi. Sondyqtan eń mańyzdy mindet – ınvestısıa tartý. Investorlarǵa naqty jaǵdaı jasaý qajet: bos turǵan ǵımarattar men jer telimderin usynyp, jańa kásiporyndar ashýǵa múmkindik berýimiz kerek. Mundaı tásil bolmasa, damý da bolmaıdy", – dedi Oljas Bektenov.

Ol Saran, Ekibastuz jáne basqa da monoqalalarda alǵashqy nátıjeler baıqalyp otyrǵanyn atap ótti. Degenmen bul baǵyttaǵy jumysty odan ári kúsheıtý qajet ekenin eskertti.